Vika liðin

Nú er liðin vika frá síðasta vinnudegi mínum. Á þeim tíma hef ég

• sofið fram að hádegi flesta daga
• gert íslensku skattskýrsluna mína (auðvelt) og þá kanadísku (flókið - eins og alltaf)
• sótt um atvinnuleysisbætur
• Lagað til (en ekki enn þrifið almennilega með vatni og sápu)
• farið í lokapartý VANOC (æðislegt)
• spilað fyrsta fótboltaleik sumarvertíðar (já, hefst snemma hér)
• búið til myndabók um Ól fatlaðra
• farið í gegnum vinnutölvuna og skilað henni (tók um það bil 10 klukkutíma að sortera í gegn og vista yfir á disk það sem ég þarf að halda utan um)
• borgað reikninga og sinnt ýmsum bankamálum
• eytt nokkrum dögum á náttfötunum
• spilað óteljandi kapla á tölvunni

Set að lokum inn mynd af okkur Deb með forsætisráðherra Kanada, Stephen Harper. Eins og sjá má á svip okkar beggja þá vorum við báðar eins og út úr kú þegar við vorum dregnar fyrir framan forsætisráðherra og látnar stilla okkur upp með honum. Hann er sá eini brosandi á myndinni.

Athugasemdir

[Rut (IP-tala skráð) 30.3.2010 kl. 07:48]

Anda inn, anda út, anda inn, anda út...mér heyrist þú ekki aldeilis hafa verið aðgerðalaus þótt hluta þessa tíma hafi verið eytt á náttfötunum! Ég mæli svo með að nota kalda blásturinn á hárblásaranum til að dusta rykið af ritgarðinni!

Ertu annars viss um að svipurinn þinn á myndinni hafi ekki eitthvað með stjórnmálaskoðanir Harpers og skoðanir þínar á honum, að gera?

[Kristín M. Jóhannsdóttir, 31.3.2010 kl. 00:00]

Þú þekkir mig vel mín kæra. Jú, ætli ég hefði ekki verið kátari ef forsætisráðherra hefði verið vinstrisinnaður.

[Magnús Geir Guðmundsson, 31.3.2010 kl. 00:19]

Hélt að þú ætlaðir að segja, að þú hefðir verið glaðari á svipin ef hann hefði verið ónefndur svartklæddur að jafnaði þjálfari í vissri ónefndri íþrótt, en nú ber að ofan og þið í bikiníi, stödd á ströndinni?!

[Rut (IP-tala skráð) 31.3.2010 kl. 19:02]

óborganlegur Magnús :)))))))

Það eru augljóslega fleiri sem þekkja Stínu vel ;)

[Kristín M. Jóhannsdóttir, 31.3.2010 kl. 21:20]

Hahaha. Já, það er rétt. Rut er greinilega ekki sú eina sem þekkir mig. Og mmmmmmmmm....gleymdi mér rétt sem snöggvast.....Alaiiiiiiiiin!

[Rut (IP-tala skráð) 1.4.2010 kl. 11:25]

Þú hefðir nú ekki verið lengi að ná í skottið á Al ef hann hefði slysast til að vera þarna léttklæddur á leikunum!

[Kristín M. Jóhannsdóttir, 1.4.2010 kl. 17:06]

Hahaha. Good try.

[Magnús Geir Guðmundsson, 3.4.2010 kl. 18:14]

Tja, það kannski orðum aukið, þó vissulega sé mér örlítið kunnugt um sumt!En "Vita meir og miklu betur" væri mér ekkert sérstaklega fráhrindandi tilhugsun!