Hetja saksótt

Árið 2007 kviknaði í húsi þegar fimm ára gamalt barn var að fikta með eldspýtur. Barnapían sem var aðeins tólf ára gömul náði að koma barninu út ásamt þriggja ára systkini þess og gæludýri heimilisins. Komið var fram við stúlkuna sem hetju.

Nú, þremur árum síðar hefur eigandi hússins og faðir barnanna tveggja, ákveðið að kæra barnapíuna fyrir vanrækslu. Hann segir að hún hefði átt að passa barnið betur svo það hefði ekki getað kveikt eldinn. Þetta er barnapían sem bjargaði lífi barnanna hans með snarræði...aðeins tólf ára gömul. Ég veit ekki hvað það er sem fær fólk til að hegða sér svona. Græðgi?

Athugasemdir

[Grefillinn Sjálfur - Koma svo! (IP-tala skráð) 7.5.2010 kl. 22:21]

Þetta er sem sagt frétt frá þínum slóðum í Kanada, er það ekki?

Ertu nokkuð með tengingu á fréttina svo maður geti kynnt sér þetta betur?

[Kristín M. Jóhannsdóttir, 8.5.2010 kl. 00:49]

Þetta gerðist í Kanada en ekki á mínum slóðum heldur í Alberta sem er næsta fylki til austurs.

Hér má m.a. lesa fréttina: http://news.nationalpost.com/2010/05/06/edmonton-hero-babysitter-faces-lawsuit-over-fire/

Þessi frétt er heldur ítarlegri en sú sem ég las upphaflega því hér kemur fram að það er ekki pabbi barnanna heldur foreldrar hans (afinn og ammann, sem áttu húsið). Pabbinn er talinn meðsekur.

Í annarri frétt kemur fram að búið sé að hætta við að ákæra barnapíuna en ekki hafa fengist upplýsingar um hvort pabbinn er enn ákærður. 

Ég las líka annars staðar að sumir telja að um hálfgert tryggingasvindl sé að ræða. Tryggingafélag eigenda hússins eru að reyna að fá tryggingafélag pabbans og foreldra stelpunnar til að borga skaðann svo þeir þurfi ekki sjálfir að borga. Ógeðslegt.

[Grefillinn Sjálfur - Koma svo! (IP-tala skráð) 8.5.2010 kl. 06:56]

Það var nú eiginlega það fyrsta sem mér datt í hug ... að þetta væri eitthvað tengt tryggingum og skaðabótum.

[Jens Sigurjónsson, 8.5.2010 kl. 16:12]

Ótrúlegt