Walmart risinn er illur

Spurningin núna er hvort þessar konur halda vinnu sinni yfir höfuð. Walmart hefur hingað til ekki einu sinni leyft stéttarfélag innan fyrirtækisins. Allt gert til að halda starfsmönnum sem mest niðri. Þeir hafa ítrekað ráðið fólk í hlutastörf, nægilega fáa klukkutíma á dag til þess að þeir þurfi ekki að útvega heilsugæslu eða önnur slík réttindi.

Í hvert sinn sem starfsmenn hafa reynt að stofna stéttarfélag til þess að reyna að koma þessum málum í rétt horf þá hefur þeim verið hótað uppsögnum. Starfsmenn UFCW sem er stéttarfélag fólks í matariðnaðnum, hafa ítrekað reynt að fá starfsmenn Walmart til þess að taka þátt í stéttarfélögum en slíkar kosningar hafa alltaf farið þannig að starfsmenn hafna stéttarfélaginu. UFCW hefur sakað Walmart um að hræða starfmenn með uppsögnum.

Árið 2005 var svo loksins stofnað Walmart stéttarfélag í myllubænum Jonquiere í Quebec. Ekki löngu síðar lokaði Walmart versluninni. Skýringin var sú að þeir ættu í fjárhagsörðugleikum en allir vissu að þetta var vegna stéttarfélagsins. Sögurnar sem maður heyrir þaðan eru oft hrikalegar og það er ljóst að stanslaust er brotið á hagsmunum starfsfólk. Þess vegna er það svolítið kaldhæðnislegt að horfa á auglýsingar frá þeim sem hér um bil allar ganga út á það hvernig Walmart er eins og fjölskyldufyrirtæki þar sem allir eru eins og ein stór fjölskylda. Je, ræt!

 

Saka Wal-Mart um kynjamisrétti

Athugasemdir

[Pétur Ingi (IP-tala skráð) 9.5.2010 kl. 19:00]

Það er eitthvað bogið við þessa frétt.

1,6 milljón kvenna? Hvaðan kemur sú tala?

Fjöldi Bandarískra kvenna á aldrinum 15-64 ára er 103,129,321.
Þar af eru 10M á aldrinum 15-19, og 21M komin á eftirlaun.
Eftir standa um 72,000,000 konur.

Ef þær eru ALLAR í fullri vinnu, sem er mjög ólíklegt þá má setja dæmið svo upp:
1,6M af 72M fara í mál við wallmart. (72 / 1,6) = 45

Það skal enginn segja mér að 1 af hverjum 45 konum í bandaríkjunum hafi unnið hjá Wallmart.

Ég tel frekar augljóst að hér er  á ferðinni léleg fréttamennska.

Heimildir:
http://upload.wikimedia.org/wikipedia/commons/2/20/Uspop.svg
https://www.cia.gov/library/publications/the-world-factbook/geos/us.html 

[Kristín M. Jóhannsdóttir, 9.5.2010 kl. 20:15]

Léleg fréttamennska...ja það væri þá ekki í fyrsta skipti. Er annars sammála þér. Hafði ekki hugsað út í töluna þarna.

[Arnór Baldvinsson, 9.5.2010 kl. 21:23]

Pétur Ingi:  Ég held að þú áttir þig alls ekki á þessu dæmi.  Ég hef búið í Bandríkjunum í rúm 10 ár og sé ekkert athugavert við þessar tölur og það gera heldur ekki dómstólar hér í landi:  http://abcnews.go.com/WN/Business/wal-mart-sex-discrimination-case-trial/story?id=10480510 / http://www.washingtonpost.com/wp-dyn/content/article/2010/04/26/AR2010042602515.html?hpid=sec-business

Þú verður að athuga að þessar konur vinna ekki allar hjá Walmart NÚNA!  Walmart er mjög stór atvinnurekandi hér í Bandaríkjunum og er lang stærsta verslunarkeðja heims.  Það vinna rúmlega 2 milljónir manna hjá Walmart og þeir selja til hátt í 180 milljón viðskiptavina á ári fyrr hátt í þrjú hundruð milljarða dollara.  Þeir reka um 8.500 verslanir á 14 markaðssvæðum út um allan heim.   Flestir starfsmenn á kössum og þjónstu eru konur. Karlar eru á lager og í stjórnun.

Kveðja,