Fyrsta kvennahlaupið í Winnipeg fyrir sjö árum

Í dag eru liðin sjö ár frá því fyrsta Kvennahlaup ÍSÍ fór fram í Winnipeg. Ég stóð fyrir því að koma hlaupinu á með hjálp nokkurra góðra Íslendinga og Vestur Íslendinga. Ég hafði hugsað um það frá því ég flutti fyrst til Kanada að koma þessu hlaupi á, en það var ekki fyrr en síðasta árið mitt í Winnipeg sem ég dreif í þessu.

Í kringum sjötíu konur og einn hundur tóku þátt og peningarnir sem söfnuðust voru gefnir til vestur-íslenska blaðsins Lögbergs-Heimskringlu sem átti þá í töluverðum fjárhagsörðugleikum. 

Hér er vídeó sem ég gerði á sínum tíma um þetta skemmtilega hlaup.

Athugasemdir

[Magnús Geir Guðmundsson, 28.6.2010 kl. 23:21]

Hvurs kyns var hundurinn?!

[Kristín M. Jóhannsdóttir, 29.6.2010 kl. 01:33]

Ef ég man rétt var hann karlkyns. Við ákváðum að leyfa honum að hlaupa með þrátt fyrir þann ágalla.

[Magnús Geir Guðmundsson, 29.6.2010 kl. 22:50]

Hahaha, gat ekki stillt mig um að spyrja!