Verð ég kóngulóarkonan?

Ég held ég hafi verið bitin af kónguló. ég hef lítið bit á ökklanum, fyrir neðan tattúið mitt, og mig klæjar í það. Sérstaklega þegar ég er í baði. Marion heldur að þetta sé bara moskítóbit en ég held að moskíturnar séu ekki komnar á stjá. Ég hallast að kónguló. Spurningin er núna hvort ég hef öðlast einhverja yfirnáttúrulega krafta við það.

Athugasemdir

[Guðríður Hrefna Haraldsdóttir, 20.5.2007 kl. 21:02]

Ja, ég myndi taka þetta mjög alvarlega, sérstaklega ef þú hefur orðið fyrir geislun líka (eða geislum, var sól?)

[Kristín M. Jóhannsdóttir, 20.5.2007 kl. 21:14]

Það er rigning núna en það gæti hafa verið sól þegar ég var bitin!!!! Da ra! Annars gæti þetta verið blessun. Ég stunda nefnilega klettaklifur og ég yrði alveg ótrúlega góð ef ég hefði orðið fyrir kóngulóaráhrifum. 

[Kristín M. Jóhannsdóttir, 21.5.2007 kl. 06:13]

Ah! Blóðsuga. Það hljómar vel. Eftir að saga Brams Stokers kom út sér fólk yfirleitt blóðsögur sem mjög kynþokkafullar. Kannski ég öðlist þá óendanlegan kynþokka við þetta bit. En sem sagt, hvort mig fer að hungra í flugur eða mannablóð mun þá segja mér hvers konar bit þetta var.