Glaðningur frá skattinum

Í dag fékk ég bréf frá skattinum. Ég var taugaóstyrk þegar ég opnaði það enda hafði ég reiknað út á skattskýrslu minni að skatturinn skuldaði mér töluverða upphæð, og mér fannst það fremur ólíklegt þar sem ég hafði ekki borgað háa skatta á síðasta ári. Það er líka svo flókið að gera skattskýrsluna hér að ég geri alltaf vitleysu, jafnvel þótt ég fari yfir reikningana (og nei, þýðir ekkert að stinga upp á að ég fari að vera með endurskoðanda - prófaði það einu sinni og það gekk bara ekki upp). Upp úr bréfinu komu fjölmörg blöð og það tók tíma að komast í gegnum þetta allt saman. Það var ekki fyrr en ég fann tékka upp á 1866,57 dollara (rúmlega 106 þúsund krónur) að ég áttaði mig á því að ég hafði virkilega haft rétt fyrir mér. Skatturinn skuldaði mér. Ekki það að ég hafi ekki gert mistök - í ljós kom að skatturinn skuldaði mér enn meira en ég hélt. Það væri auðvitað upplagt að skella sér bara til Íslands fyrir peninginn - nú eða til Hong Kong (hægt að fá gífurlega ódýra miða frá Vancouver þangað) en ég ætla að vera ábyrgðarfull og fara með  þetta í bankann. Þetta eru vel rúm mánaðarlaun fátæks námsmanns (80.000 á mánuði frá Rannís).   

Athugasemdir

[Guðríður Hrefna Haraldsdóttir, 29.5.2007 kl. 20:44]

Innilega til hamingju með glaðninginn og TAKK fyrir lagið hér að neðan, How do you do. Meiri snilldin, man vel eftir þessu lagi út útvarpinu. 

[Berglind Steinsdóttir, 30.5.2007 kl. 00:41]

Congratulations ... darara (syngist með nefi Cliffs Richards). Og mér líst vel á að þú hugsir þig vendilega um áður en þú spreðar öllu þessu fé!

[Heimir Lárusson Fjeldsted, 30.5.2007 kl. 01:13]

Til hamingju!!!!!