Niðurrif

Þegar ég kom heim úr klifurhúsinu í dag blasti við mér spýtnabrak þar sem áður var hús. Nánar tiltekið húsið við hliðina á mér. Þetta þýðir væntanlega að ég þarf að fá mér gardínur fyrir baðherbergisgluggann. Áður var veggurinn á húsinu við hliðina það eina sem sást út um gluggann (og þar af leiðandi sást ekkert inn). Nú verður þarna væntanlega fjöldi karlmanna að vinna...og í þessum hita, fjöldi hálfnaktra karlmanna...bíddu, ég fer ekki að fá mér gardínur. Maður þarf augljóslega ótakmarkað útsýni!!!

 

Athugasemdir

[Páll Ingi Kvaran, 30.5.2007 kl. 23:10]

Hihihi Heppin þú.

[Guðríður Hrefna Haraldsdóttir, 30.5.2007 kl. 23:35]

Auðvitað má ekkert blokkera útsýnið ... heheheh

[Kristín M. Jóhannsdóttir, 31.5.2007 kl. 00:28]

Góð hugmynd Anna. Og svo kaupi ég svona filmu sem maður setur á gluggann og þá sér maður vel út en aðrir geta ekki séð inn. Þá get ég skoðað upphandleggsvöðvana á strákunum alveg í friði.