Shel Silverstein var snillingur

Einn skemmtilegasti barnabókarhöfundur Bandaríkjamanna var án efa Shel Silverstein sem var alveg jafngóður og Dr. Seuss og jafnvel betri. Hann skrifaði aðallega ljóð fyrir börn og þótt ég sé orðin aðeins eldri en börn þykir mér ákaflega gaman að lesa ljóðin hans (og skoða teikningarnar sem með fylgja). Ég valdi þetta ljóð sérstaklega fyrir Dodda og þau hin á Amtinu á Akureyri.

OVERDUES

What do I do?
What do I do?
This library book is 42
Years overdue.
I admit that it's mine
But I can't pay the fine—
Should I turn it in
Or hide it again?
What do I do?
What do I do?

Seinna ætla ég að segja ykkur frá bókinni hans: Uncle Shelby's ABZ book.

Athugasemdir

[Doddi - Þorsteinn G. Jónsson (IP-tala skráð) 27.6.2007 kl. 07:36]

Takk fyrir þetta ljóð, mér finnst það æði! Því miður virðist þessi bók ekki vera til á landinu (ekki í neinum bókasöfnum í landskerfinu alla vega) en það poppa upp þrjár eftir Shel þegar ég leita: Falling Up, A Light in the Attic og Where the Sidewalk ends: the poems and drawings of Shel Silverstein.

Hins vegar virðist Shel eiga nokkur lög á hinum og þessum diskum, og ég gat fundið eitt lag sem við á Amtinu eigum: "Allir eru að gera það" sem Ríó Tríó flytur. Passar þetta, Kristín?

En ég ætla að fá að prenta út þessa færslu Kristín og setja upp snöggvast í kaffistofunni hjá okkur ... kærar þakkir aftur!

[Kristín M. Jóhannsdóttir, 27.6.2007 kl. 15:32]

Þetta ljóð er reyndar úr bókinni Light in the Attic. ABZ bókin sem ég nefndi er ekki ljóðabók heldur... Best ég setji sérstaklega færslu um hana seinna í dag eða á morgun. Hún er allt öðruvísi en ljóðabækurnar. Vissi ekki að 'Allir eru að gera það' væri byggt á ljóði Shel's en það passar alveg. Sá texti er vissulega í hans stíl.

[Gummi (IP-tala skráð) 27.6.2007 kl. 23:12]

Shel var snillingur... tek undir það.

Auk þess að vera fær barnabókahöfundur þá samdi hann marga ódauðlega texta fyrir Dr. Hook og fleiri. Þar á meðal "Cover of the Roling Stones" og "Sylvias Mother sais". Einnig samdi hann textann við "Boy named Sue" sem Johhny Cash söng og Davíð Þór færði yfir á íslensku sem "strákur að nafni Stína"...

 ... já + það að hann samdi allmarga brandara fyrir playboy magazine. Nokkuð fjölhæfur kall þarna á ferðinni.