Strandferð

Ég ætla á ströndina í dag. Er að reyna að skipuleggja pokaskjátuna til að taka með. Er nú þegar búin að setja eftirfarandi í:

-teppi til að liggja á
-handklæði
-sólarvörn
-flipflops
-þrjár greinar sem ég þarf að lesa fyrir málfræðitímaritið sem ég er að ritstýra
-bók (þegar ég þarf pásu frá greinunum)
-vatn
-flugnasprey
-power bar
-peninga (ef ég skyldi þurfa eitthvað aðeins meira í gogginn)

Annað sem er nauðsynlegt eru sundföt og sólgleraugu.

Hitinn á að fara upp í 27 gráður hér niðri við sjóinn en inni í landi vel yfir þrjátíu stig. Varað er við miklum hitum á morgun og fimmtudag en það er fyrst og fremst upp í Okanagan dalnum þar sem er sannarleg eyðimörk. Hér er hitinn bara þægilegur – sérstaklega ef maður getur sinnt sinni vinnu niðri við sjávarmálið.  

Mikið er notalegt að búa þar sem hægt er að labba niður á strönd á tíu mínútum. Þá þarf maður ekki til Spánar! 

Athugasemdir

[Berglind Steinsdóttir, 10.7.2007 kl. 22:38]

Og hversu kalt verður köldustu mánuðina? Eru flip-flops sandalar?

[Kristín M. Jóhannsdóttir, 10.7.2007 kl. 23:04]

Janúar er kaldasti mánuðurinn hér og þá er meðalhitinn fimm gráður. Hitinn fer afar sjaldan undir frostmark. Hafirðu ætlað að hanka mig á einhverju neikvæðu þá var hitastig ekki besti kosturinn, ekki eftir að ég flutti vestur eftir. Ef þú hefðir hins vegar spurt um rigninguna... Hér rignir að meðaltali 131 mm í janúar.

Flipflops eru nokkurs konar sandalar. Ég skal setja mynd af þeim með blogginu.