Styttist í Godsmack

Nú get ég talið á fingrunum klukkutímana þangað til að ég sé Godsmack og hef reyndar getað það í eina tvo tíma. Nú er eins gott að fótboltaliðið mitt fari ekki að spila of vel í dag því ef kraftaverk gerist og við komumst í úrslitaleikinn þá mun ég missa af upphafi tónleikanna. Upphitunarhljómsveitin stígur á sviðið klukkan sjö og Godsmack klukkan átta. Úrslitaleikurinn hefst hins vegar ekki fyrr en tíu mínútur yfir sex og lýkur því tuttugu mínútum í sjö. Það tekur mig um klukkutíma með strætó að komast yfir að PNE þar sem tónleikarnir eru haldnir sem þýðir að ég gæti ekki farið heim og þvegið af mér sandinn. Vil helst ekki mæta á tónleika í skítugum fótboltagallanum! Hitt er annað mál að líkurnar á því að við komumst í úrslitaleikinn eru stjarnfræðilegar þannig að þetta verður allt í lagi. Við náum kannski að spila til undanúrslita en lengra mun það varla ná.

Í kvöld eða á morgun mun ég svo skrifa um tónleikana.  

Athugasemdir

[Egill Harðar (IP-tala skráð) 13.8.2007 kl. 10:55]

Fótbolti og Godsmack er eðal blanda. Góða skemmtun :)

[krossgata, 13.8.2007 kl. 11:28]

Ertu að fara á Godsmack!!!  Geggjað  endilega skilaðu kveðju  og góða skemmtun.

[Arnar (IP-tala skráð) 13.8.2007 kl. 16:38]

ert ÞÚ að fara á godsmack? Eins mikið og ég væri til í að fara á tónleika með þeim hefði ég aldrei getað ímyndað mér kvennmaður í næsta aldurhópi fyrir ofan mig myndi fara á þá. En góða skemmtun

[Kristín M. Jóhannsdóttir, 13.8.2007 kl. 16:47]

Tónleikarnir voru frábærir. Ætla að skrifa færslu um þá síðar í dag. En það er rétt hjá þér að þetta er ekki akkúrat tónlistin sem konur á mínum aldri hlusta mest á. Og ég passaði ekki alveg inn í hópinn þar sem ég var hvorki svartklædd, né með göt á ýmsum stöðum. Var ekki einu sinni með svartan eyeliner.

[Kolbrún Kolbeinsdóttir, 13.8.2007 kl. 18:34]

Snilld, hlakka til að sjá Godsmack færsluna - fátt skemmtilegra en góðir sumartónleikar með urrandi góðum böndum. 

[Bergur Thorberg, 13.8.2007 kl. 22:27]

Ekki svo langt frá vini mínum í andanum, Mikel Niemi,Fæddur í Vittula  (Píkubær) í íslenskri þýðingu  Páls Valssonar ef ég man rétt. Takk fyrir hrósið.Ég held jafnvel sjálfur að hún sé góð. Bestu kveðjur.......... Frá.....................  Kaffikallinum