George er enn saknað

Þótt George heitinn Harrison hafi líklega verið í síðasta sæti hjá mér á vinsældalista Bítlanna þýðir það ekki að hann hafi ekki verið snillingur. Hann var án efa frábær gítarleikari, vel frambærilegur söngvari og átti það til að vera magnaður lagasmiður. Lögin Something, Here comes the sun og While my guitar gently weeps eru t.d. alveg meiri háttar lög og án efa með því besta sem hann gerði.

Fyrir nokkrum árum las ég bók um George og lærði þar ýmislegt. Líf hans var mjög athyglisvert að mörgu leyti, og kannski sérstaklega árin eftir að Bítlarnir hættu. Hann varð mjög þunglyndur og hreint út sagt sérvitur. Eitt sinn á tónleikum hundskammaði hann meira að segja áhorfendur og var með  leiðindi. Fólk gekk út. Það verðu athyglisvert að sjá þessa mynd.

Þegar ég sá Paul spila í Air Canada höllinni í Toronto 13 apríl 2002 var ekki langt liðið frá dauða George. Honum til heiðurs tók Paul því upp ukulele (en mér skilst að George hafi spilað mikið á ukulele sér til gamans - það sést m.a. í Anothology þáttunum) og spilaði lagið Something á meðan myndir af George voru sýndar á stórum skjá. Ég held að það hafi ekki verið þurr vangi í höllinni. 

 

Martin Scorsese gerir mynd um George Harrison

Athugasemdir

[Björn (IP-tala skráð) 27.9.2007 kl. 17:11]

Talandi um Harrison og ukulele :)

http://www.youtube.com/watch?v=O9mEKMz2Pvo

[Kristín M. Jóhannsdóttir, 27.9.2007 kl. 17:29]

Vá, ég vissi ekki einu sinni að að það væri hægt að spila svona á ukulele.

[Helga (IP-tala skráð) 27.9.2007 kl. 20:45]

Ótrúlegt ad séu lidin næstum 6 ár sídan hann lést, mér finnst svo stutt sídan!

[Þröstur Unnar, 27.9.2007 kl. 21:25]

Mér fannst hann alltaf mesti töffarinn.

[Doddi - Þorsteinn G. Jónsson (IP-tala skráð) 28.9.2007 kl. 00:22]

George var, líkt og allir Bítlarnir, snillingur. Tek undir með Helgu ... finnst ótrúelga stutt síðan hann dó. Samdi hann ekki "My sweet love ... " ? (eða hvað hét lagið aftur?)

[Kristín M. Jóhannsdóttir, 28.9.2007 kl. 01:15]

Jú, hann samdi My sweet love, sem er frábært lag en pínulítið stolið. Ef þú hlustar á lagið 'He's so fine' með the CHiffons eða eitthvað svolítið, þá heyrirðu hversu lík lögin eru. Mér fannst líka frábært lagið 'when we were fab' sem hann samdi á níunda áratugnum um Bítlana.

[Jenný Anna Baldursdóttir, 28.9.2007 kl. 01:56]

Hm, róleg á sérfræðinni krakkar mínir, lagið heitir My sweet LORD

[Kristín M. Jóhannsdóttir, 28.9.2007 kl. 02:56]

Það er alveg rétt hjá þér Jenný. Ég tók ekki einu sinni eftir þessu og skrifaði bara það sama og Doddi.