Hlustið á mig en ekki Reuters

Það er greinilegt að Mogginn trúir fremur Reuters en mér því ég benti á það í gær að þessi morð hefðu ekki verið framin í Vancouver heldur í nágrannaborginni Surrey. Ég hef náttúrulega rétt fyrir mér þannig að ég sting upp á að Mogginn fari að bera allar Reuters fréttir undir mig. Þeir vita greinilega ekkert hvað þeir eru að segja, enda er þessi kerling sem talar inn á myndböndin þeirra ein sú al-leiðinlegasta sem fyrirfinnst og þótt breskur framburður geti verið flottur þá er hennar það ekki. Auk þess er hún sama sem mónótónísk. 

Ég endurtek: Þessi morð voru í Surrey, ekki í Vancouver. Klínið ekki á okkur annarra borga morðum. Ég vil ekki hafa það. 

Að þessari tölu lokinni ætla ég að fara og fá mér morgunverð, læra svo svoleiðis og fara svo í bíó og horfa á beina útsendingu á leik Vancouver Canucks og Columbus Blue Jackets. Það er liðið í borginni þar sem Tim, minn fyrrverandi býr, svo ég skipaði honum að fara á leikinn og garga svo niður til þjálfara Vancovuer að ég sé skotin í honum. Ég er ekki viss um að hann geri það fyrir mig en maður veit aldrei. Leikurinn er ekki sýndur í sjónvarpi en í staðinn fær maður að sjá hann á risaskjá sem er svolítið spennandi. Vonandi að þeir vinni því þeim hefur ekki gengið of vel að undanförnu. 

Sex voru myrtir í Vancouver

Athugasemdir

[Guðný Hansen (IP-tala skráð) 21.10.2007 kl. 21:01]

Já Stína mín rétt skal vera rétt  Hver veit nema Mogginn ráði þig sem fréttaritara sinn í Kanada   Sé þetta fyrir mér í anda þegar Tim öskrar skilaboðin niður til þjálfara Vancovuer liðsins

Knús og kossar frá Lettlandi,

Guðný

[Doddi - Þorsteinn G. Jónsson (IP-tala skráð) 22.10.2007 kl. 18:01]

Þetta er þá eins og morð í Kópavogi hefðu verið sögð vera framin í Hafnarfirði eða Reykjavík ... hmm? Gott að vita af þér traustri, Kristín. Tek hiklaust þín orð fram yfir Moggans/Reuters.