Vorið

Úti í garðinum standa krókusar í blóma. Það eru komnir knúbbar á runnana í hverfinu. Í dag sá ég hóp Kanadagæsa fljúgandi norður í vaffi. Ég er ekki frá því að vor sé í lofti.

Athugasemdir

[Einar Indriðason, 6.3.2008 kl. 08:14]

:-)

Já, gaman að fylgjast með, þegar náttúran er að vakna aftur til lífsins á vorin :-)

[Marinó Már Marinósson, 6.3.2008 kl. 11:03]

Já tek undir með Einari. Alltaf gaman að upplifa vorið.  Ég segi oft í gamni að við höfuðborgarbúar förum á mis við vorkomuna því þar eru t.d. gæsir allt árið um kring en úti á landi fer ekkert á milli mála að vorið er komið því fuglalíf þar glæðist svo um munar og fólk sér þegar farfuglar koma á vorin og fara á haustin.  

Þegar ég var krakki þá var sagan um Nils Holgersson eftir Selmu Lagerløf ein af mínum uppáhaldsbókum.  Ævintýrabók en var um leið fróðleikur um farflug gæsa á leið sinni norður á bóginn í gegnum Svíþjóð.    

[Sæmundur Bjarnason, 6.3.2008 kl. 13:48]

Ég mislas í fyrstunni það sem þú hafið skrifað hérna. Mér sýndist standa að gæsirnar væru að fara norður í kaffi!!  Fannst það bráðsnjöll líking, en dálítið vafasöm. Hér heima er dálítið farið að heyrast í fuglum snemma á morgnana og það er enginn vafi að vorið kemur á endanum.

[Hrabba (IP-tala skráð) 6.3.2008 kl. 16:38]

vorið sýndi sig nú hér í gær - en svo var veturinn yfirsterkari og sagði hæ í morgun ... sennilega er vorið ekki orðið nógu sterkt enn, en það kemur ;)

[Kristín M. Jóhannsdóttir, 6.3.2008 kl. 17:26]

Sammála Einar. Og maður verður eitthvað svo jákvæður og bjartsýnn. Marinó, ég hef aldrei lesið þessa bók. Er þetta barnabók? Þess virði að lesa á gamalsaldri? Sæmundur, ég er hrifin af hugmyndinni um að skreppa norður í kaffi. Alltaf gaman þegar fuglarnir vekja mann á morgnana og maður vaknar í björtu herberginu og er tilbúinn að takast á við daginn. Hrabba, alltaf sami slagurinn á milli árstíða á Íslandi. Minnir mig á þegar snjóinn tók upp á skólalóðinni í Glerárskóla og maður gekk yfir hálf úldið grasið sem hafði legið undir snjó allan veturinn. Ógeðsleg lykt en maður þoldi hana því sumarið var á næsta leyti og maður gat farið að taka hjólið út úr bílskúrnum.

[Róslín A. Valdemarsdóttir, 6.3.2008 kl. 17:54]

Þú heppin! Hér er á Hornafirði er frekar mjög langt í vorið, sést varla yfir í næsta hús vegna snjó"byls", ótrúlega vont veður, snjórinn hvarf í gær og kom aftur í dag.

Svo ég segi enn og aftur; Heppin þú!

[Anna Guðný , 6.3.2008 kl. 21:20]

Það er kannski einhver tími eftir í vorið hérna á Akureyri en það er sko farið að birta. Ég þarf venjulega ekki út fyrr en seinna á morgnana og jafnvel ekki fyrr en um hádegi, en í gærmorgun þurfti ég út um áttaleytin og mér hálfbrá. Það var svo bjart.

[Brynja skordal, 7.3.2008 kl. 00:46]

Ah alltaf svo yndislegt þegar allt vaknar til lífsins og fer að vora hafðu það gott

[Anna Ólafsdóttir (anno) (IP-tala skráð) 7.3.2008 kl. 12:33]

Smáöfund  En líka ... til hamingju með vorið og hafðu það gott þarna í langtíburtulandi

[AuðurA (IP-tala skráð) 7.3.2008 kl. 22:33]

Öfund héðan úr þar þar þarnæsta fylki. Hér er spáð enn einum 20 sentimetrunum af snjó í nótt og á morgun... og þar nóg fyrir. Góða helgi.