Keypti mér þessa fínu páskalilju

Aðfangadagur páska er senn allur og er óhætt að segja að dagurinn hefur verið nokkuð átakalaus. Svaf til níu, borðaði morgunverð í rólegheitunum og las Vancouver Province, las síðan moggann á netinu og nokkur blogg, spjallaði aðeins við mömmu og pabba, horfði á Edmonton vinna Colorado í hokkí, fór á Starbucks og skrifaði í þrjá klukkutíma, kom við á vídeóleigu á leiðinni heim og leigði mér myndir fyrir kvöldið. Ég myndi segja að þetta hafi bara verið hinn ágætasta dagur.

Ég vil óska ykkur öllum gleðilegra páska. Borðið ekki yfir ykkur af páskaeggjum! 

 

E.S. Tók smá forskot á sæluna og opnaði eggið mitt í kvöld, enda allt of stórt til að borða á einum degi. 
Málshátturinn var þessi: Yfir sjálfum sér, yfir líkama sínum og anda á hver maður einfaldsráð.

Athugasemdir

[Berglind Steinsdóttir, 23.3.2008 kl. 09:06]

Aðfangadagur páska? Frumlegt, Stína, og gleðilega páskarest, hehe ... (er svo lítið fyrir hefðbundnar og huggulegar kveðjur, skilurðu).

[Jenný Anna Baldursdóttir, 23.3.2008 kl. 10:46]

Hvernig er það Stína mín, eru uppskriftirnar alveg hættar að koma?  Ég sakna þeirra.

Knús á páskum.

[Róslín A. Valdemarsdóttir, 23.3.2008 kl. 19:13]

Gleðilega páska

[Anna Guðný , 23.3.2008 kl. 22:20]

Gleðilega páskarest. Alltaf gaman að kíkja á bloggið þitt.

[Marinó Már Marinósson, 23.3.2008 kl. 22:47]

Sjá þetta RISA páskaegg!!!    Alltaf eru Kanarnir eins.     

[Doddi - Þorsteinn G. Jónsson (IP-tala skráð) 24.3.2008 kl. 00:01]

Gleðilega páska kæra vinkona! Hafðu það gott það sem eftir lifir páskadagsins... og auðvitað alltaf Kærar kveðjur frá strengjóttum skallamanni á Akureyri!

[Þorsteinn Gunnarsson, 24.3.2008 kl. 02:37]

Gl.. páska... hvenær kemur 11. þátturinn af MVP?

Kv. af klakanum

[Rakel (IP-tala skráð) 24.3.2008 kl. 03:03]

Voða huggó hjá þér! Gleðilega Páska.

-allt á fullu hjá mér að pakka og koma í gáminn á sjálfan páska dag..-

[Kristín M. Jóhannsdóttir, 24.3.2008 kl. 06:27]

Takk fyrir öll og sömuleiðis.

Þorsteinn, það lítur út fyrir að við munum ekki fá ellefta þáttinn. CBC á í fjárhagsörðugleikum og ætlar að að hætta framleiðslu á MVP, JPod og Intelligence. Mér skilst að það sé hugsanlegt að Global taki við MVP. Ég vona það því ég hafði ákaflega gaman af þessum þáttum.

[Arnar Geir og Guðrún Katrín (IP-tala skráð) 24.3.2008 kl. 20:04]

Arnar og Guðrún í páskaeggjastuði  ! ! !

 Gleðlega páska frá öllum úr Þverholti 8 (Arnar er á Akureyri)

P.S. En ein spurning hvað heldur þú að páskaeggjið á myndinni sé stórt  ?