Fullt af frábærum tónleikum í boði

Ég hef ekki farið á neina tónleika síðan ég sá Velvet Revolver/Alice in Chains í haust. Þetta er að hluta til vegna þess að ég hef verið að reyna að spara pening en einnig vegna þess að það hafa ekki komið hingað nein bönd sem mig langaði alveg ægilega að sjá. Reyndar var Brúsi Springsteen hér í gær en ég hef eiginlega ekkert hlustað á hann síðan á níunda áratugnum þannig að ég lét ekki freistast.

Núna á einni viku frétti ég hins vegar að því að á næstunni yrðu hér:
1. Oasis með Ryan Adams og The Cardinals
2. REM með Modest Mouse og The Nationals
3. Queens of the Stone Age með Mugison

Ég vildi gjarnan fara á alla þessa tónleika en er ekki viss um að ég hafi efni á því.  

Athugasemdir

[Marinó Már Marinósson, 2.4.2008 kl. 21:15]

Ég myndi velja REM, enginn spurning.    Mugison er reyndar flott listamaður.

[Marinó Már Marinósson, 2.4.2008 kl. 21:16]

flottur  listamaður.    ætlaði ég að segja

[Hrabba (IP-tala skráð) 2.4.2008 kl. 23:46]

ég myndi velja nr. 3 og málið er dautt ... ekki á hverjum degi sem íslenskir gæða tónlistar menn gæjast út fyrir landssteinana og hvað þá með gæða böndum eins og þessum ;)

[Kristín M. Jóhannsdóttir, 3.4.2008 kl. 00:41]

Ég er svona á nokkuð svipuðyn slóðum og þið. REM og Mugison heilla mest.  Mér fannst Oasis flottir á sínum tíma en það sem heillar kannski meira þar er Ryan Adams sem er glettilega flottur. Hrabba, ég hef reyndar séð bæði Björk og Sigurrós hér í Vancouver þannig að það er ekki algjörlega óalgengt að sjá íslenska tónlistarmenn hér. Málið er hins vegar að mér finnst Mugison æðislegur.

[Hrabba (IP-tala skráð) 3.4.2008 kl. 17:05]

jaá ok, en Björk og Sigur Rós eru líka mun "frægari" en Mugison ;)  ég mundi veðja á þann hest ;D