Kókosbolla og Lindubuff

Allt í einu langar mig ógurlega í kókosbollu...og Lindubuff—eins og það var þegar það var framleitt á Akureyri í gamla daga, ekki eins og það er núna (veit ekki af hverju þeir þurftu að breyta uppskriftinni). Og ég gæti vel hugsað mér að borða svolítið af Paprikustjörnum með þessu og einnig kartöfluflögur með osti og lauk frá Maarud. Og það er bara sunnudagsmorgunn! Og ekkert af þessu fæst úti í búð hjá mér. Vona að eitthvert ykkar sendi mér hugskeyti næst þegar þið njótið einhvers þessa og sendið það þannig að ég fái ekki bara að vita að þið eruð að borða þetta heldur fái ég líka unaðinn sem því fylgir!!!!!

Athugasemdir

[Gísli Baldvinsson (IP-tala skráð) 6.4.2008 kl. 19:00]

Lindubuffið þarf að setjast til svo það smakkist eins og í gamla daga. Svo bara að koma...  www.visitakureyri.is

[Kristín M. Jóhannsdóttir, 6.4.2008 kl. 19:11]

Hvað er að setja til? En hvað svo sem það er þá vildi ég að það væri ennþá gert. Man þegar maður beit í buffið og þurfti svo að bíta vel til að slíta sundur tæjurnar. Mmmmmm. Ekki eins og þetta rusl sem þeir framleiða núna.

Vonast til að fara heim um jólin. 

[Gísli Baldvinsson (IP-tala skráð) 6.4.2008 kl. 20:09]

Seiglan kemur með aldrinum  Þú er líklegast að borða of nýtt buff. kv gb

[Kristín M. Jóhannsdóttir, 6.4.2008 kl. 20:16]

Ertu að meina það? Er það eina sem er öðruvísi? Mér fannst það bragðast öðruvísi líka.

[Jenný Anna Baldursdóttir, 6.4.2008 kl. 21:19]

Þú verður að fara inn á nammi.is (held að það heiti það) og panta góssið.

Bon apitit

[Marinó Már Marinósson, 6.4.2008 kl. 21:37]

já og það passar.  Þegar það kemur til þín frá nammi.is, þá verður það orðið seigt og hart.   Passaðu þig bara að panta það sjóleiðina svo það verði eins og í gamla daga.     Ég man vel eftir þessum buffum.  Komu í kassa; raðað snyrtilega, grjóthörð og sæt. 

[Doddi - Þorsteinn G. Jónsson (IP-tala skráð) 6.4.2008 kl. 23:53]

Það er heldur ekkert mál að kaupa þetta fyrir og senda ... láttu mig bara vita ef þú vilt það

Bestu kveðjur frá Akureyri.

[Kristín M. Jóhannsdóttir, 7.4.2008 kl. 05:36]

Takk fyrir upplýsingarnar og gott boð. Eins og er senda mamma og pabbi mér nammi þegar ég bið fallega. Get þó ekki beðið of oft um nammi því ég á það til að borða það allt í einu eða svo sem.

[Hrabba (IP-tala skráð) 7.4.2008 kl. 14:50]

ég hef sagt það áður og segi það enn ... nammi.is og það er ekkert lengi á leiðinni ;)