Keppnin um Stanley bikarinn að hefjast

Eftir tvo daga hefst keppnin um Stanley bikarinn í hokkíinu. Liðin sem mætast eru eftirfarandi:

Vesturriðill

Detroit vs. Nashville    
(Ég spái að Detroit vinni Nashville í fjórum eða fimm leikjum)

San Jose  vs. Calgary   
(San Jose vinnur í fimm leikjum - hugsanlega sex)

Minnesota vs. Colorado
(Þetta gæti farið á hvern veginn sem er. Colorado hefur verið á uppsveiflu en ég vona að Minnisota taki þetta. Flestir veðja þó á Colorado. Þessi keppni gæti farið í sjö leiki)

Anaheim vs. Dallas      
(Anaheim tekur þetta í fimm leikjum - hugsanlega sex)

Austurriðill

Montreal vs. Boston      
(Montreal rúllar þessu upp í fimm leikjum, jafnvel fjórum)

Pittsburgh vs. Ottawa   
(Pittsburgh er búið að standa sig stórkostlega undanfarið og þetta gæti farið á hvern veginn sem er. Ég vona þó að Ottawa nái sínu fyrra formi og komist áfram en ég er hrædd um að það verði Pittsburgh. Þarf sjö leiki)

Washington vs. Philadelphia
(Ekki á ég auðvelt með að spá um þessa keppni. Washington hefur verið á uppsveiflu en Philadelphia ætti að hafa sterkara lið. Spurningin er hvað Ovechikin gerir. Fer í sjö leiki.)

New Jersey vs. New York
(Önnur erfið viðureign að spá um. Þessi lið eru mjög svipuð og þetta gæti farið á hvorn veginn sem er. Spái sex eða sjö leikjum og sigri New York)

Eins og þið sjáið þá á ég mun erfiðara með að gera upp hug minn í austrriðlinum. Það er vegna þess að ég þekki þau lið ekki vel. Við spiluðum aðeins gegn örfáum þeirra í vetur.

Ég ætla að hvetja Montreal og Ottawa og held að Montreal sé líklegra til að komast í úrslitaleikinn. Það er eiginlega ótrúlegt því í upphafi vertíðar var ég viss um að Ottawa myndi hafa þetta í vetur. En þeir hafa spilað svo ömurlega undanfarið að þeir mega teljast heppnir ef þeir komast fram hjá Pittsburgh. Úrslitaleikurinn um austrið verður á milli Montreal og annað hort Ottawa eða Pittsburgh. Montreal - Ottawa er draumurinn.

Í vestrinu ætti ég að hvetja áfram Calgary en eins og ég hef áður lýst yfir þá hef ég andstyggð á þjálfara þeirra svo ég ætla að láta það vera þótt Calgary séu næstu nágrannar okkar til austurs. 

Úrslitaleikurinn um vestrið verður á milli San Jose spila og annað hvort Detroit eða Anaheim. Anaheim eru ríkjandi Stanleybikarshafar og ég ætla að vona að þeir haldi ekki titlinum. 

Ætla að spá San Jose og Montreal í úrslitaleiknum og þótt ég vilji að Montreal vinni þá held ég að það verði San Jose.

Á komandi vikum getum við séð hversu sannspá ég er. 

 

Keppnin hefst eins og ég sagði áður á miðvikudaginn með eftirfarandi leikjum:
New Jersey vs. New York
Pittsburgh vs. Ottawa
San Jose vs. Calgary
Colorado vs. Minnesota

Á fimmtudaginn leika:
Anaheim vs. Dallas
Montreal vs. Boston
Detroit vs. Nashville

Og á föstudaginn:
Washington vs. Philadelphia

 

Athugasemdir

[AuðurA (IP-tala skráð) 8.4.2008 kl. 00:11]

Ok... Í fyrsta lagi hvetur þú ekki Ottawa OG Montreal... auðvitað ekki hægt að styðja þessi bæði lið í einu

NJ og NY verður skemmtilegur grannaslagur, Pittsburg og Ottawa verður erfitt... Mínir menn hafa verið að spila illa plús Alfie einmitt meiddur. Detroit fara áfram, Anaheim líka, San Jose vinna Calgary. Það verður gaman að fylgjast með Montreal og Boston. Auðvitað held ég með Montreal þar og þeir hafa spila mjög vel.

 Go Sens Go!

[Siggi ice (IP-tala skráð) 8.4.2008 kl. 03:19]

Nei hvaða vitleysa Anaheim á ekki sjéns í Dallas hlakka til að sjá þetta fara 4-0 fyrir mínum mönnum og ekkert rugl!

[Kristín M. Jóhannsdóttir, 8.4.2008 kl. 04:38]

Ég er sammála Bjarni og Auður. Möguleikar Ottawa eru ekki svo góðir. En kannski ná Spezza og Heatley að spila frábærlega. Vandamálið hjá Ottawa er hins vegar Ray Emery og hans vandamál sem hafa eitrað andrúmsloftið í búningsklefanum. Þeir þurfa að losna við hann.

Auður, víst get ég haldið með bæði Ottawa og Montreal. Ef ég gæti valið hvort liðið ynni myndi ég velja Ottawa en ég held að Montreal hafi einfaldlega betra lið í ár og sé því von Kanada um að fá titilinn heim.

Siggi, ekki séns að Dallas taki Anaheim í fjórum leikjum. Eftir að Neidermayer og Selanne komu til baka hafa þeir spilað mjög vel. Dallas hefur reyndar betra lið en í fyrra en ég held að þeir hafi ekki enn nógu gott lið til að taka Anaheim. Anaheim er kannski ekki tæknilega betra lið en þeir eru stærri og sterkari og það skiptir meira máli í bikarnum en í venjulegu leikvertíðinni. Ef Dallas tekur Anaheim þá verður það í sjö leikjum.

[Öll lífsins gæði? , 8.4.2008 kl. 15:57]

Getur þú látið þessa slóð berast til þeirra sem eiga lögheimili á Akureyri og vilja segja nei við háhýsum við Undirhlíð

http://olllifsinsgaedi.blog.is/blog/olllifsinsgaedi/entry/499929/

[Kristín M. Jóhannsdóttir, 8.4.2008 kl. 23:24]

Búin að senda þetta á alla Akureyringa sem ég þekki.

[Jón Heiðar Rúnarsson (IP-tala skráð) 8.4.2008 kl. 23:55]

Þetta lítur allt mjög spennandi út.  Ég hef ekki fylgst mjög vel með vesturströndinni en hef samt mikla trú á Detroit, liðið er bara hrikalega gott, þó við lítum bara á markmennina Hasek og Osgood í sama liðinu það er varla sanngjarnt. 

Á austurströndinni er enginn vafi í mínum huga að Montreal er að fara í úrslitaleikinn og kemur trúlega til með að hirða dolluna.  Margir spáðu því fyrir tímabilið að Montreal kæmist ekki í úrslitin og sérstaklega þar sem liðið missti eina skærustu stjörnuna og burðarás í power playinu Sheldon Sourray og ekki bætti úr að ekki tókst liðinu að landa markaskorara í síðasta félagaskiptaglugga.  Aftur á móti hefur komið í ljós mikil breydd í liðinu og leikmenn hafa stigið upp og staðið sig mun betur en menn þorðu að vona. 

Fyrir úrslitin horfi ég á að aðal varnarmaður liðsin Komisarek kemur til baka úr meiðslum á næstu dögum og vonandi kemur fyrirliðinn Koivu til baka úr meiðslum fljótlega.  Þó svo að markmaðurinn Price sé nýr þá hefur hann farið á kostum undanfarið og það væri ekki í fyrsta skiptið sem Montreal kláraði dæmið með nýliða í markinu.  Svo má ekki gleyma að liðið er markahæst í NHL en samt er enginn í liðinu á lista yfir 10 stiga- eða markahæstu leikmennina í deildinni, alltaf gott að hafa marga sem skora.

Annars líta Pittsburg vel út líka, með Malkin, Crosby, Hossa eru komnir svaðalegir sóknarmenn.  Svo byrja þeir á Ottawa sem hafa ekki verið upp á sitt besta undanfarið.

kv. Jón H

[Kristín M. Jóhannsdóttir, 9.4.2008 kl. 00:04]

Ég er sammála þér með Montreal. Og það sem er frábærast við þetta lið er að  maður getur varla munað nafnið á neinum þeirra. Engin stjarna, bara fullt af góðum strákum. Held að Kovu og Markov séu þeir einu sem ég get nefnt án þess að hugsa málið.

Er ekki sannfærð um að Detroit fari alla leið. Hluti ástæðu þess að þeir hafa flest stig á vesturströndinni er sú að þeir eru í fremur lélegum riðli og af því að lið spila átta sinnum við liðin innan síns riðils þá þurfti Detroi að spila miklu auðveldari leliki en liðin í norðvesturiðlinum og suðurriðlinum. Þeir hafa reyndar frábæra leikmenn og allt getur gert. Hins vegar gæti það allt eins orðið San Jose sem fer heim með dolluna. Veit alla vega að þeir spiluðu frábærlega í hvert sinn sem við lékum á móti þeim.