Hvaðan koma nafn og litur?

Er þetta 24-dæmi einhvers konar keðja? Ég spyr bara vegna þess að hér í Vancouver er gefið út ókeypis dagblað sem heitir 24 of er einmitt í þessum appelsínugula lit. Annað hvort hlýtur því að vera um einhvers konar 24-batterí að dæma eða þá að útgefendur 24 stunda hafa nappað nafni og útliti. Er þetta kannski eins og Séð og heyrt dæmið var á sínum tíma? Ég man að þá lék einhver spurning á því hvort leyfi var til staðar fyrir því að nota nafn og útlit Se og hør. Nei, ég er bara svona að velta þessu fyrir mér á þriðjudagsmorgni.

Lestur á 24 stundum heldur áfram að aukast

Athugasemdir

[Róslín A. Valdemarsdóttir, 6.5.2008 kl. 16:57]

Ekki er alltaf gott að Íslendingar sé útum allan heim!
Þú verður að láta blaðið 24 of vita af þessu, þá sjáum við hvað gerist!

[Vilborg Anna Garðarsdóttir, 6.5.2008 kl. 17:08]

Já ég var nú í Danaveldi fyrir stuttu og þá rak ég augun í dagblaðið 24 timer...

þetta fer að verða frekar dularfullt mál hehe

[Haraldur Bjarnason, 6.5.2008 kl. 17:54]

Fyrir utan þetta þá höfum við ágætis orð yfir 24 klukkustundir í íslensku, sem er sólarhringur, enda kalla ég þetta alltaf Sólarhringsblaðið. - Þetta er hins vegar ágætis blað og því hefur vaxið fiskur um hrygg á þessum 3 árum.  

[Þorsteinn Briem, 6.5.2008 kl. 22:57]

Einn af fréttastjórum 24ra stunda, Gunnhildur Arna Gunnarsdóttir, sem er frá Hólmavík og var í MA, verður ritstjóri blaðsins í byrjun næsta mánaðar. Og núverandi ritstjóri 24ra stunda, Óli Stef, sem á ættir að rekja til Sökku í Svarfaðardal, verður hins vegar ritstjóri Moggans í stað Styrmis, en sá fyrrnefndi er fylgjandi því að Ísland gangi í Evrópusambandið.