Teitur vann Beckham

Góðar fréttir frá Edmonton, Alberta: Vancouver Whitecaps, lið Teits Þórðarson vann LA Galaxy, lið Davids Beckhams, í kvöld 2-1. Eduardo Sebrango skoraði sigurmark leiksins á 66. mínútu

Leikurinn var haldinn í Edmonton til þess að gefa fólki þar tækifæri til þess að sjá almennilegan fótboltaleik en Edmonton hefur ekkert alvöru fótboltalið í borginni. Rúmlega 37000 manns mættu á leikinn en það sem var undarlegast var að meirihluti áhorfenda studdi LA liðið. Það er líklega vegna Beckham en samt skrítið að kanadískir áhorfendur skuli fremur hvetja bandarískt lið en kanadískt. Stundum held ég að Kanadamenn séu gjörsneiddir allri þjóðrækni!  

Athugasemdir

[Sigrún Jónsdóttir, 14.5.2008 kl. 09:47]

En við fögnum uppi á "gamla landinu".  Til hamingju Teitur.

[Kristín M. Jóhannsdóttir, 14.5.2008 kl. 19:10]

Hehe, ég hef rætt allt Don Cherri dæmið við marga vini mína og er búin að komast að því að til þess að fíla hann sé nauðsynlegt að vera kanadískur en ekki nægjanlegt.

[Kristín M. Jóhannsdóttir, 14.5.2008 kl. 21:48]

Vinur minn sem er mikill hokkíáhugamaður segir að þú Cherri sé að sumu leyti klikkaður þá viti hann ótrúlega margt um hokkí og hafi næstum því alltaf rétt fyrir sér. En það þýðir ekki að maður hafi húmor fyrir honum.

Já, þjálfaramál eru óljós hjá okkur þessa stundina. Nýji GMinn vill vera viss um að hann hafi rétta manninn og er víst búinn að vera að tala við AV í einhverja klukkutíma á hverjum degi undanfarið. Ég ligg á bæn og vona að hann fái að þjálfa liðið áfram. Helst vildi ég að honum yrði tilkynnt í dag að hann yrði áfram þjálfari liðsins, hann á afmæli í dag! 

[Marinó Már Marinósson, 14.5.2008 kl. 23:51]

Ég held að fótbolti verði aldrei nema sýning í USA!  Það vantar alla tilfinningu í þá sem áhorfendur.   

Hefðin er allt önnur í ameríska fótboltanum.

[Kristín M. Jóhannsdóttir, 15.5.2008 kl. 04:19]

Fótbolti er geysilega vinsæll í N-Ameríku en fyrst og fremst sem þátttökusport en ekki áhorfunarsport (ef það orð er til). Ég held það sé þó að aukast. En nei, ég held að hann muni aldrei koma í stað ameríska fótboltans í USA né í stað hokkís í Kanada.