Þvílíkur dagur

Veðrið í dag var algjörlega yndislegt. Það fór upp í 30 stiga hita sem er býsna gott fyrir maí í Vancouver. Ég er ekki viss um að við höfum fengið slíkt veður fyrr en í júlí í fyrra. Þetta var akkúrat svona dagur þar sem maður á ekki að gera neitt nema liggja í leti og njóta góða veðursins.

Ég hitti Mark niðri á strönd um hálftólf leytið, við fundum okkur góðan stað að liggja á og svo hreyfðum við okkur ekki þaðan, fyrir utan þegar ég fór á klósettið og þegar Mark fór og keypti handa okkur pylsur og síðan ís. Annars lágum við bara á okkar IKEA teppum og nutum þess að vera til.

Það var erfitt að þurfa að fara en ég þurfti að spila fótbolta í Burnaby klukkan átta og þurfti fyrst að fara heim og sækja dótið mitt. Og af því að við fórum á ströndina í English Bay en ekki á Locarno þá tók þetta nokkurn tíma. Ég komst á völlinn rétt áður en leikur hófst en var í svo miklu stuði að ég skoraði tvö fyrstu mörkin okkar og kom okkur í 2-1. Leikurinn endaði 10-7 og við sitjum enn á toppi þriðju deildar.  

Á morgun á að kólna heldur en veðrið ætti samt að vera þokkalegt. Ætli maður horfi ekki á Kanada vinna heimsmeistaratitilinn í hokkí (they better) og svo verður eitthvað skemmtilegt gert á eftir. 

Athugasemdir

[Mummi Guð, 18.5.2008 kl. 10:49]

Þýðir þetta ekki að þú þarft að fara á ströndina fyrir næsta leik líka? Úr því það gekk svona vel í leiknum.

[Rut (IP-tala skráð) 18.5.2008 kl. 11:20]

Mer synist ad thu hafir fundid uppskriftina ad velgengni i fotbolta...thad er augljost ad "strondin" ja og goda vedrid hafa hvetjandi ahrif a knattleikni thina og marksaekni! Synd annars ad morkin urdu bara tvo..alltaf gaman af hat-trickum...thu ert viss um ad hafa ekki skorad annad mark?

Annars er spurning hvort thu getur selt leyndarmalid til haestbjodandi lida i komandi evropukeppni i knattspyrnu....! 

[Kristín M. Jóhannsdóttir, 18.5.2008 kl. 17:53]

Jú, nú verð ég alltaf á ströndini. Rut, þú ert í stuði. Heldurðu að ég hafi eitthvað sérstakt markmið? Reyndar fékk ég næstum því hat-trick. Ég skoraði þriðja markið um sekúndubroti eftir að flautað var til hálfleiks. Það gilti því ekki. En það var eins nálægt þriðja markinu og ég komst.