Ekki líkur á sykursýki

Ég skrapp í Safeway í dag (okkar Hagkaup) að kaupa egg og mjólk og þar var þá hjúkrunarkona sem bauð upp á blóðsykursmælingum. Ég nota mér alltaf svona tækifæri til að tékka á heilsunni svo ég settist niður og rabbaði við hana. Hún sagði mér að blóðsykurinn mætti helst ekki vera lægri en 4 og alls ekki hærri en 7. Ég reyndist vera með blóðsykur 4,3 og fékk hrós frá hjúkrunarkonunni. Hún sagði að það væri greinilegt að ég hreyfði mig reglulega og borðaði hollan mat. Ég spígsporaði rígmontin í burtu, ánægð með sjálfa mig, og reyndi að hugsa ekki um það að ég er nú hálfgerður sykurgrís og borðaði síðast í gær stóran kanelsnúð með frosting. Kannski leyfir fótboltinn það að ég fái mér af og til sætindi.

 

Athugasemdir

[Arnar (IP-tala skráð) 29.5.2008 kl. 20:44]

Nammi, nammi, namm

[alva (IP-tala skráð) 30.5.2008 kl. 22:58]

Girnó...flott með blóðsykurinn hjá þér, ég hef aldrei farið í svona mælingu, maður ætti kannski að skella sér.

[Hrabba (IP-tala skráð) 1.6.2008 kl. 21:48]

Safeway er "okkar" Nettó eða Bónus ;) - eða það mundi ég allavega segja ...

[Kristín M. Jóhannsdóttir, 2.6.2008 kl. 03:20]

Nei, Safeway er betra en Bónus. Kannski eins og Nettó. Annars eru sumir Safeway staðir meira eins og matvöruhlutinn af Hagkaup í Kringlunni.