Sá hann úti á götu um daginn

Ég sá einmitt Hugh Jackman úti á götu um daginn. Hann kom gangandi á móti mér ásamt öðrum manni og mér fannst hann strax kunnuglegur. En ég var ekki viss um hver hann var fyrr en við mættumst og ég sá andlit hans vel. Það var engin spurning, þetta var Hugh Jackman. Ég hélt hann væri kannski að vinna við nýjustu X-men myndina er samkvæmt IMDB er sú mynd ekki tekin upp hér í Vancouver eins og hinar fyrri. Kannski á hann bara vini hérna. Hann hefur leikið í nokkrum myndum hér í borg og hefur því eytt hér miklum tíma.

Ég hringdi í Lizu og sagði henni að ég hefði séð Hugh Jackman í hverfinu hennar. Hún kom nærri því að hlaupa um allt hverfi til að leita að honum en af því að hún var pínulítið veik lét hún það eiga sig. Enda er hann auðvitað bara venjulegur maður. Óvenjufallegur venjulegur maður.

Hugh Jackman kynþokkafyllstur

Athugasemdir

[Bergur Thorberg, 20.11.2008 kl. 10:24]

Stelpur: Róa sig!!!!!!

[Sigrún Jónsdóttir, 20.11.2008 kl. 11:42]

Ógislega sætur maður

[Jenný Anna Baldursdóttir, 22.11.2008 kl. 23:26]

Hef ekki smekk fyrir honum þessum.  Svona er ég skrítin.

[Mummi Guð, 23.11.2008 kl. 00:56]

Ég sá Hrafn Gunnlaugs um daginn. Maður sér varla þekktari menn en hann á Íslandi þessa dagana.