Hvað skal gera í New York?

Ég ætla að stoppa í New York í þrjá daga á leið heim frá Íslandi í janúar og hef ekki enn gert nein plön hvað ég ætla að gera þar - með einni undantekningu. Þið mynduð væntanlega fara á söngleik, eða leikrit, eða tónleika...jafnvel þræða söfnin! Ég...ég er búin að kaupa mér miða til að sjá Montreal Canadiens heimsækja New York Rangers í Madison Square Garden. Fyrir ykkur sem ekki vitið hvað það þýðir þá er þetta hokkíleikur. Ég er mjög spennt fyrir leiknum og held að þetta verði æðislegt.

En nú er spurningin hvað annað mun ég gera í New York. Ég hef eitt annað kvöld á staðnum (plús hálfa kvöldið sem ég hef þegar ég kem á staðinn) og tvo og hálfan dag. Ég hef einu sinni áður komið til New York og þá sá ég Spamalot, UN bygginguna, NBC stúdíóið, Ground Zero (þar sem tvíburaturnarnir voru) og fór upp á topp Rockafeller byggingunni. 

Hvað ætti ég að gera í þessari ferð?

Athugasemdir

[Bjorn E (IP-tala skráð) 1.12.2008 kl. 23:46]

Blessuð Kristín..  ráðlegg þér að fara í skoðunarferðir , sightseeing..  siglingu, skoðar frelsisstyttuna, manhattan bruna og svo margt annað, er odyr skemmtun og mjög svo fræðandi. Svo aðra skoðunarferð með strætó eins og í london,  góða skemmtun, vildi ég væri með .. haha 

[Eyþór Mar (IP-tala skráð) 2.12.2008 kl. 10:36]

Ég mæli með að fara út að borða á The spotted pig á manhattan. Þetta er veitingastaður með 1 michelin stjörnu en er alls ekki dýr þar sem notast er við ódýrt hráefni.

www.thespottedpig.com

[Erna E. (IP-tala skráð) 2.12.2008 kl. 16:51]

Rölta um Central Park, ganga yfir Brooklyn-brúna, fara á skemmtileg söfn (t.d. MoMA ef þú hefur gaman af listasöfnum) og bara þvælast um (og/eða finna stað við góðan glugga ef það er kalt) og skoða mannlífið.

[Marinó Már Marinósson, 3.12.2008 kl. 08:49]

Þú veist að John Lennon nokkur bjó í bænum undir það síðasta.   Margt að sjá, t.d. kaffihúsið sem hann sótti alltaf. 

[Kristín M. Jóhannsdóttir, 8.12.2008 kl. 06:51]

Takk kærlega fyrir hugmyndirnar. Sumt af þessu hef ég gert en ekki nærri því allt. 

Marinó, ég fór og kíkti á bygginguna hans Johns síðast þegar ég var í New York en ég vissi ekkert um kaffihús. Hvaða kaffihús fór hann alltaf á?

[Jac Norðquist, 12.12.2008 kl. 08:44]

Það er auðvitað algjört Must að fara í The Empire State Building..... standa svo með tárin í augunum og hugsa um atriðið í Sleepless in Seattle..... sob sob  

Bara eitt fallegasta atriði kvikmyndasögunnar.....

En ekki hlusta á mig... ég er bara viðkvæmt kjánaprik :)

Have fun anyways

Jac