Á vit ævintýra

 

Í gær keypti ég mér flugmiða og pantaði hótel. ÉG ER Á LEIÐ TIL HONOLULU!!!!!! Ekki reyndar fyrr en í október en ég get farið að láta mig hlakka til. Ég hefði reyndar fremur kosið að fara til Maui en vinkonur mínar sem ég ætla með voru búnar að kaupa miða til Honolulu, Waikiki, svo þangað er förinn heitið. Við verðum sex stelpurnar: Ég, Akemi, Emma, Elli og tvær vinkonur Elli. Allar komnar hátt á fertugsaldurinn, allar einhleypar. Við megum eiga von á stuði.

Mig langar að

• kafa eða snorkla
• fara út á kajak eða kanú
• prófa brimbretti
• fara út að hlaupa á hverjum morgni
• eyða tíma á markaðnum
• ganga á Demantshaus
• verða brún
• sjá meira af eyjunni en bara Honolulu
• borða helling af ávöxtum
• njóta lífsins

Fleiri hugmyndir? Einhver?

Athugasemdir

[hlynur (IP-tala skráð) 29.6.2009 kl. 18:03]

Kristín á íslensku er það ég hlakka !!!!

[Kristín M. Jóhannsdóttir, 29.6.2009 kl. 18:11]

Það er rétt, ef ég hlakka til er í aðalsetningu. En ég sagði: ég get farið að láta mig hlakka til. Í þessu tilfelli er það sögnin 'láta' sem ræður fallinu á frumlagi aukasetningarinnar. Og af því að 'láta' tekur með sér þolfall þá verður frumlagið 'ég' að vera í þolfalli. Og þolfallið af 'ég' er 'mig'. Á sama hátt hefði ég getað sagt: ég ætla að leyfa mér að hlakka til. Sögnin 'leyfa' tekur með sér þágufall og því er fyrsta persónu frumlagið þarna í þágufalli.

Ég geri oftar og oftar vitleysur í íslenskunni því lengur sem ég bý erlendis (tíu ár) - viðurkenni það fúslega - en að þessu sinni er frumlagið réttilega í þolfalli. 

[Einar Indriðason, 30.6.2009 kl. 11:15]

Góða skemmtun á Hawaii! :-)

[Oddur Ólafsson, 30.6.2009 kl. 14:11]

Ég mæli með flugi til Kauai og siglingu til að sjá Napali strandlengjuna (Napali Coast).

Ég hef séð þetta sjálfur og tel að það væri hálfgert slys að fara þangað alla leið án þess að sjá þetta stórbrotna náttúrundur.  Maui var fín líka með "íslenskum" hraunskriðum.

Ég veit að þú kemur þessu kannski ekki við en mig langaði að benda þér á þetta......

Þyrluflug á Kauai væri líka afar spennandi.....

[Elva. (IP-tala skráð) 30.6.2009 kl. 14:44]

Mmmm......  Ég væri farin að telja dagana í þínum sporum. 

[Rakel (IP-tala skráð) 30.6.2009 kl. 22:22]

Þetta er algjör snilld að þú skulir vera að fara til Hawaii Kristín!! Þú átt eftir að skemmta þér vel. Fjögur árin okkar sem við bjuggum þar var algjör sæla skal ég nú segja þér. Ég mæli með The North Shore og líta á skjaldbökurnar- snorkla á besta stað á eyjunni þar sem heitir Shark Cove. Uppáhalds staðurinn minn /strönd er Hanauma Bay. Þar borgar maður nokkra dollara til að komast þar niður en þess virði. Útimarkaðurinn er mjög stór þannig að gefðu þér góðan tíma þar til að labba og skoða-bestu dílarnir þar.

Maui og Kauai eyjarnar eru meira spennandi og fallegri, þannig að ef þið getið þá mæli ég sko með flugi þangað yfir í smá island-hopping :o)

Jafnvel á stóru eyjuna Hawaii og skoða um Volcano Park, alveg rosalega fallegt og gaman að keyra um og skoða.

Skemmtu þér bara vel og endilega hreint kíkið á barina á Waikiki. Bare Foot bar er ódýr og alveg rooooosalega góðir kokteilar ;o)