200 dagar í Vetrarólympíuleikana

Í dag eru 200 dagar þar til Vetrarólympíuleikarnir hefjast í Vancouver. Af því tilefni sýni ég ykkur þetta vídeó sem er alveg dásamlegt og sem við sýnum öllum okkar sjálfboðaliðum til að kveikja neistann. Mér finnst alltaf jafnskemmtilegt að sjá hliðstæðurnar sem þeir sýna á milli íþrótta og daglegs lífs að öðru leyti.

Annars er uppáhaldsatriðið mitt alltaf maðurinn á skautunum í sólsetrinu í lok myndbandsins. Kvikmyndatökumenn náðu því atriði af algjörri tilviljun. Þeir voru að taka landslagsmyndir og þessi manneskja var þarna einfaldlega að skauta.

Athugasemdir

[Ásta B (IP-tala skráð) 28.7.2009 kl. 00:28]

Ég elska Vetrarólympíuleikana. Hins vegar þá hefur Rúv ekki sinnt þeim neitt sérstaklega vel amk. síðustu mót.  Ég vona að það verði gerð bragarbót þar á næsta vetur.  

Kveðja vestur um haf.

[Jenný Stefanía Jensdóttir, 28.7.2009 kl. 07:24]

Flott myndband Stína, erfitt að trúa að það muni snjóa í Grouse, í þessum hita og svita.  Er að kafna, og þú örugglega líka!

[Marinó Már Marinósson, 28.7.2009 kl. 12:33]

Virkilega flott myndband.  Lokaskotið flott.   :)