Íslendingar komnir í úrslit í körfunni

Íslensku lögreglu- og slökkviliðsstrákarnir eru komnir í úrslit í þriggja manna körfuboltanum á Heimsleikum lögreglu og slökkvliðsmanna. Þeir léku gegn einu kanadísku liðanna í undanúrslitunum og unnu með sirka tíu stiga mun. Leikurinn var reyndar hnífjafn framan af en svo tók íslenska liðið að síga fram úr og ég held að sigurinn hafi aldrei verið í hættu.

Ég tók smá vídeó á litlu Canon myndavélina mína og setti á YouTube. Gæðin eru ágæt á tölvunni minni en á YouTube eru þau ekki mjög. En þið getið samt séð brot úr leiknum og að mikið var stuð á þeim Íslendingum sem komu að horfa. Ætli hafi ekki verið skipt jafnt á milli þeirra Íslendinga sem búa í Vancouver og íslenskra lögreglu- og slökkviliðsmanna sem voru ekki sjálfir að keppa á sama tíma.

Leikið er til úrslita á morgun klukkan tvö að staðartíma. Ég veit ekki gegn hverjum. Sumir sögðu að þeir myndu leika á móti bandarísku liði en aðrir sögðu á móti kanadísku liði. En hvort sem er, við skulum bara vona að íslensku strákarnir vinni.

Athugasemdir

[Haraldur Huginn Guðmundsson, 4.8.2009 kl. 10:44]

Gaman að þessu alveg frábært...

[Anna Guðný , 4.8.2009 kl. 16:05]

Takk fyrir að fylgjast með. Ég hef ekkert séð um þetta í fréttum hér heima en þessi videoið þitt inn á bloggið mitt og facebook. Vona að það hafi verið í góðu. Þú mættir kannski láta mig vita hvar og hvenær að ísl. tíma ég get fundið úrslitin.

Takk takk

kv

Anna Guðný

[Kristín M. Jóhannsdóttir, 4.8.2009 kl. 16:59]

Anna, það er ábyggilega erfitt fyrir Morgunblaðið, eða aðra íslenska miðla að fylgjast með. Heimasíða keppninnar hefur ekki staðið sig vel í að setja inn úrslit. Til dæmis eru úrslitin úr leiknum í gær ekki ennþá komin inn. Þegar þau koma, hins vegar, þá ættu þau að koma hér: http://www.wpfg.mobi/SportEventResults.aspx?v=0a45ad79-4f5b-46ae-8bd0-19fc22a08d4a

Ég ætlaði að reyna að sjá leikinn í dag en hann er klukkan tvö og ég á að vera á fundi í sama tíma. 'Eg ætla að sjá hvort ég kemst undan honum en ef ekki reyni ég að hringja í einhvern til að fá úrslitin. Set þau inn hér uml eið og ég veit.

'O, og nokkuð skemmtilegt, íslenska liðið er kallað ICESAVE. Hahahaha. Góður húmor þar.