Kanadískur íkorni fer sigurför um heiminn

Þegar þau Melissa og Jackson Brandts, tveir Ameríkanar á ferðalagi um Kanada, ákváðu að taka mynd af sjálfum sér með hjálp tímasetningar, urðu þau fyrir óvenjulegri innrás. Íkorni nokkur, einn íbúa Banff þjóðgarðsins, ákvað að skella sér inn á myndina eins og athyglissjúkt smástirni. Hann stal líka fókusnum svo íkorninn er í fókus en þau Melissa og Jackson ekki. Þeim fannst þetta hins vegar bráðfyndið og sendu myndina í myndakeppni National Geography. Þaðan hefur hún farið sigurför um heiminn og þetta litla dýr er nú ein aðalstjarna nagdýra. 

Athugasemdir

[Þorsteinn Sverrisson, 13.8.2009 kl. 22:23]

Er þetta örugglega ekki photosjoppað ?

[Kristín M. Jóhannsdóttir, 13.8.2009 kl. 22:32]

Ég held ekki. Það sem gerðist var að myndvélin gaf frá sér píb til að telja niður í myndatökuna. 'Ikornin fór til að kanna málið. Þessar skepnur geta verið ótrúlega skemmtilegar og oft hægt að  ná góðum myndum. Ég hefði getað trúað því að einhver væri að taka myndina, en að ná svona af algjörri tilviljun...

[Þorsteinn Sverrisson, 13.8.2009 kl. 22:44]

Já auðvitað getur þetta alveg hafa gerst.  Maður á ekki að vera svona tortrygginn alltaf :)

[Gummi (IP-tala skráð) 14.8.2009 kl. 00:02]

Thetta er náttúrulega snidug auglýsingabrella.  Bakgrunnurinn er stórkostlegt landslag og ósnortin náttúra.  Já...Kanadamenn eru klókir.

[Magnús Geir (IP-tala skráð) 14.8.2009 kl. 00:45]

Ætli þeir hjá NG hafi nú ekki verið meðvitaðir um svona hluti eins og svindl, sett þannig þáttökuskilmála að slíkt hafi ekki verið mögulegt? Maður myndi nú halda það!

[Jenný Stefanía Jensdóttir, 14.8.2009 kl. 02:53]

Stína mín, sá þetta líka í fréttunum, svo virðist sem margir Íslendingar tortryggja allt ...... líka saklausan íkorna,  nema það sem máli skiptir.

Takk fyrir að vekja athygli á þessum skemmtilegheitum.

[Sigurjón Páll Jónsson, 14.8.2009 kl. 09:06]

Frábært gott ;D  GO GO íkorni