Ekki séns að þetta verði brúðkaup aldarinnar

Brúðkaup aldarinnar? Í alvöru? Dóttir fyrrum forseta giftir sig og það er brúðkaup aldarinnar? Ekki séns. Það gæti vel verið að það sé viðburður sem vekur athygli í Bandaríkjunum en dettur nokkrum manni í hug að brúðkaup Chelsea Clinton verði stærra eða mikilvægara en þegar t.d. Vilhjálmur prins giftir sig, sem samkvæmt öllum slúðurblöðum verður að öllum líkindum innan tveggja ára? Þegar Karl og Díana giftu sig var það sýnt í beinni útsendingu út um allan heim og allar líkur eru á að svo verði einnig þegar Vilhjálmur giftir sig. Þá munu einnig verða útbúnir minjagripir af öllu tagi eins og þegar pabbi hans gifti sig. Leirtau, spilastokkar, minjaskeiðar, plattar, o.s.frv. Ekkert brúðkaup forsetadóttur mun komast nálægt því í athygli.

Brúðkaup aldarinnar í uppsiglingu

Athugasemdir

[Kristján P. Gudmundsson, 25.7.2010 kl. 11:43]

Ég er þér hjartanlega sammála, Kristín. Þú gleymdir samt brúðkaupi Viktoríu prinsessu í Svíþjóð. Það olli misjöfnum fögnuði hjá frændum okkar m.a. útaf peningum. Annars fór sú athöfn að mestu framhjá mér.

Kveðja, KPG.

[Geiri (IP-tala skráð) 25.7.2010 kl. 17:29]

Þetta er nú bara orðatiltæki sem er regulega notað.

En jú það er kannski fáránlegt að nota það þegar það eru 90 ár til að toppa það.