Málfarslöggur á íslensku

Í fyrsta þætti íslensku útgáfunnar frétta málfarslöggurnar (auglýsi hér með eftir fólki í þeirra hlutverk)  af konu á Akranesi sem segir Ég er ekki að skilja þetta og Ég var ekki að geta þetta. Löggurnar rjúka upp á Skaga með strætó en Gurrí sem situr hátt í himnaríki (og er stórglæpamaður því Púkinn vill hafa nafnið hennar Gurrý) sér þá koma og kemst undan á flótta. Þeir ná henni við Blönduós því hún vill ekki hlaupa of hratt (Blönduóslöggurnar eru mjög harðar á radarmælingunum). Gurrí nær að semja um mildaðan dóm með því að gefa upp Dodda sem ekki er aðeins stóramböguglæpamaður heldur er hann einnig í aðstöðu til að dreifa ambögunum til ungra barna í gegnum starf sitt á Amtinu. Honum verður skellt beint á íslenskunámskeið hjá Valdimari og Sverri Páli. 

Í öðrum þætti sjáum við Gísla þýðanda vandræðast með þýðingar úr spænsku og hann ruglast algjörlega í spænska sagnbeygingakerfinu, gerir stórmistök sem koma fram í mjög mikilvægri þýðingu á Sjónvarpinu og þetta mál mun ná alla leið upp í kerfinu og endar með afsögn menntamálaráðherra. Gísli hins vegar snýst í lið með málfarslöggunum og fær reglulegt hlutverk í þáttunum. 

Svo verða nokkrir þættir um íþróttafréttamenn.

Svo er ég að hugsa um að einn þátturinn teygi anga sína til Noregs þar sem Karl Johan hefur framselt Helgu Fanney vegna umhyggju sinnar fyrir henni. Hann er hræddur um að hún sé að tapa niður móðurmálinu. Helga verður send til Valdimars og Sverris í endurhæfingu (og þeir eru sjokkeraðir yfir hversu miklu hún hefur tapað síðan þeir sáu hana síðast) og hún reynir að sannfæra þá um að Rut sé farin að tala hrikalega ítalskaða íslensku því henni finnst ómögulegt að sitja í tímum hjá MA-genginu án þess að Rut sé nálægt.  

Friðjón er kominn í skriftarteymið, Berglind mun þýða bandarísku útgáfuna yfir á íslensku, Ólafur verður ráðgjafi við spænska þáttinn og Kristján mun sjá um að selja þættina til annarra landa. Ég þarf að koma Pétri inn í þessa þætti. Ég held að hann muni leika prest sem heyrir hræðilega ambögu í einkasamtali við safnaðarmeðlim en vegna stöðu sinnar má hann ekki segja frá því hver þetta var.

Allir leikararnir (nema þeir sem leika málfarslöggurnar) munu svo koma fram aftur og aftur í  mismunandi hlutverkum eins og venja er í erlendu fyrirmyndinni. Nú vantar bara í hlutverk málfarslöggnanna (sko, veikt kvenkynsorð í fleirtölu eignafalli fær n - en púkinn vill ekkert n þarna).

P.S. Vandamál hafa þegar komið upp: Íslenska stafi vantar í íslenska merki þáttanna. 

Athugasemdir

[Doddi - Þorsteinn G. Jónsson (IP-tala skráð) 9.6.2007 kl. 18:37]

Mér líst æðislega á þetta - frábært mál!!! Og ég ætla sko að æfa mig fyrir mitt hlutverk - Emmy og Golden Globe verðlaun: Here I come!!!!!!

Annars finnst mér líka æðislegt að púkinn sé með vitlausar leiðréttingarábendingar ... ég vann í 11 ár með Merði Árnasyni hjá Máli og menningu ... og þar fannst mér æðislegt að leita til hans varðandi allt sem íslenskt er ... og svo er flott að vita af þér.

Bestu kveðjur frá Akureyrinni!!! 

[Viðar Eggertsson, 9.6.2007 kl. 19:58]

Ég er sko meira en til að vera með í Málfarslöggunum!

Hvað á ég að gera?

Hvert á ég að mæta?

Og, síðast en ekki síst, hvenær??

[Kristín M. Jóhannsdóttir, 9.6.2007 kl. 20:06]

Viðar, þú mátt velja á milli þess að leika eina af málfarslöggunum, eða að vera leikstjórinn. Okkur vantar hvort tveggja. Þú gætir t.d. verið upplagður sem svona Lenny Briscoe útgáfa af málfarslöggu; reynda, kaldhæðna löggan sem alltaf segir eitthvað fyndið. 

[Helga Fanney (IP-tala skráð) 9.6.2007 kl. 21:03]

Já til er ég og ég er viss um ad Rut er ordin alveg hreint ómöguleg í íslensku.. KJóinn minn er búinn ad vera á íslenskunámskeidi undanfarid og er alltaf ad koma med einhverjar óthægilegar málfrædispurningar sem byrja á "afhverju..?" og "thegar..?" og svo slær hann um sig med norskum málfrædihugtökum, sem ég veit ekkert hvad eru á íslensku.. Auk thess sem ég er margoft búin ad segja vid hann ad ég tali bara íslensku, ég kunni engar málfrædireglur...  Æsj... (svo ég sletti nú smá til ad thid skiljid vandamálid sem stedjar ad mér..) 

[Helga Fanney (IP-tala skráð) 9.6.2007 kl. 21:05]

ps. fínt ljód sem thú sendir ádan, er ad thekkja mig svaka vel í thví..

[Kristín M. Jóhannsdóttir, 9.6.2007 kl. 21:52]

Hehe. Góður!

[Rut (IP-tala skráð) 10.6.2007 kl. 08:32]

Hvada eiginlega dylgjur-a erua thetta, eg-a tala ekki-a islensku-a med-a itolskum-ma hreim-a. Eg-a a-a bar'ekk'ord-a! Enn-a ef-a thad-a getur-a ordid-a mer-a utum-ma hlutverk-a i-a malfarsljoggunum-ma, tha-a get-a eg-a alveg-a farid-a bjaga malid-a mitt-a meira-a. Vantar-a einmitt-a eitthvad-a spennandi-a ad-a gera thegar-a faedingar-a orlofinu-a lykur-a!

Helga, mikid er KJoi duglegur ad fara a islenskunamskeid (vel a minnst, fer brudkaupid fram a islensku eingongu eda??). Minn madur er ekki kominn lengra i naminu en svo ad hann getur borid -svotil afallalaust- fram stadarnofn a islandi, stoltid er "Hljodaklettahringurinn", thar sem hann synir mjog o-italska takta og thad svoleidis syngur i H-unum. Eg stilli honum stundum uta mitt golf i fjolskyldubodum og fae hann til ad fara med helstu stadarnofn a islensku vid mikla hrifningu aettingja minna, thad fer gaesahud um hopinn thegar hann ber fram Jokulsarlon, Kverkfjoll, Landmannalaugar, Latrabjarg, Lonsoraefi, Husavik, Hafnarfjordur, Seltjarnarnes an thess ad fipast hid minnsta. Sergio erfidar audvitad og svitnar eins og skaldid sem lagdi i urd og grjot upp i mot, en vid sem hlustum a lokum augunum og imyndum okkur ad vid seum ad hlusta a skaldid EFTIR ad hann er kominn a toppin -landslagid vaeri ju litils virdi ef thad heti ekki neitt! Svo er hann farinn ad segja hluti eins og duglegur strakur og litli strakur og fara ad sofa svona urthvi ad sonur hans hefur islensku sem modurmal! Stina, gaeti hann ekki fengid hja ther eitthvert smahlutverk i malfarsloggunum?

[Helga Fanney (IP-tala skráð) 10.6.2007 kl. 09:04]

Thad held ég ad Stína hljóti nú ad hafa pláss fyrir myndarlega ítalska karlmenn í tháttarödinni sinni :) Kannski ítalska málfarsmafían?! ;) Mér var ekki búid ad detta í hug ad setja KJ á stadarnöfnin, en kannski thad verdi eldraun sumarsins á Íslandi, Hvannadalshnjúkur og Thorlákshöfn... Engin ástæda til ad hann fái jáyrdi frá mér alveg áreynslulaust... Ætli brúdkaupid verdi ekki blandad? 

[Viðar Eggertsson, 10.6.2007 kl. 09:37]

Til í að vera þessi reynda, kaldhæðna löggan, sem segir alltaf eitthvað fyndið - þá þarf ég ekkert að leika!

Leikstjórahlutverkið er líka til umræðu.... bara finna peninga og svo af stað! Heimsyfirráð eða dauði, eins og sykurmolarnir sögðu.

[Már Högnason (IP-tala skráð) 11.6.2007 kl. 08:50]

Ég sæki hér með um hlutverk. Get leikið allt.

[Kristín M. Jóhannsdóttir, 12.6.2007 kl. 00:51]

Að sjálfsögðu Már. Annars ættir þú nú eiginlega að vera í rithöfundateyminu - þá gætum við haft allt í bundnu máli.

Flott hugmynd um ítölsku mafíuna Helga. 

[Sóldís Fjóla Karlsdóttir, 13.6.2007 kl. 10:59]

Ég skal leika fórnarlamb, Netlöggunnar. Annars stend ég í stórræðum, barnabarn mitt er búsett á Spáni og er í íslenskuskólanum, hann skrifar stundum inn á síðuna sína og ég svara og vanda mig einhver ósköp, en stundum slæðast villur inn og þá er ég leiðrétt. Og þó er ég rammíslensk. Vona að ég fái hlutverk við hæfi. Sóldís

[Kristín M. Jóhannsdóttir, 13.6.2007 kl. 15:56]

Að sjálfsögðu færðu hlutverk Sóldís. Okkur mun vanta endalausa málfræðibófa - alla vega ef þættirnir verða vinælir. En ég veit alveg hvað þú meinar með að villur slæðist inn. Ég er með próf í íslensku og ég þarf að passa mig. Þetta eru ekki endilega stafsetningavillur heldur frekar ritvillur í þeim skilningi að maður veit hvernig á að skrifa orð og myndi skrifa rétt ef maður hefði penna í hönd, en þegar verið er að slá eitthvað inn á lyklaborð þá kemur það ekki alltaf rétt út. Þegar ég var að skrifa ritgerðir við HÍ lét ég alltaf vini eða vandamenn prófarkalesa hjá mér, bara af því að ég þekkti textann orðið of vel til að taka eftir villum. Sama hér á blogginu, ég læt púkann lesa yfir og hann nær einföldu stafavíxli, en það slæðast inn alls konar villur samt.

[Sóldís Fjóla Karlsdóttir, 13.6.2007 kl. 19:39]

Margfaldar þakkir fyrir hlutverkið, þetta er ég mjög ánægð með. Hvenær hefst þetta.? Ég er spennt að fá að vera með. Takk.

Kveðja ....Sóldís