Útsýnið mitt

Ég ákvað að sýna ykkur myndir sem ég tók út um gluggana í íbúðinni minni. Sú fyrri er tekin í norður, út um stofugluggann og sýnir eitt af stóru skipunum sem liggja alltaf hér út með sundinu. Myndin er reyndar tekin með aðdráttarlinsu - sjórinn er ekki alveg svona nálægt mér, en þetta er samt hluti af útsýninu sem ég hef hér úr stofunni. Alveg dásamlegt skal ég segja ykkur.

Seinni myndin er tekin út um svefnherbergisgluggann í austurátt og sýnir hornið á Sasamat og Sjöundu götu. Hér tekur maður yfirleitt alltaf fram nálægast hvaða horni maður býr. Af því að það hjálpar engum að vita að ég bý á 4521 W 7th ave. En þið sjáið á þessari mynd hversu dásamlegir haustlitirnir eru og ég get sagt ykkur að hverfið mitt, sem er alltaf fallegt, er alveg yndislegt þessa haustdaga.

Athugasemdir

[Jenný Anna Baldursdóttir, 29.10.2007 kl. 23:57]

Frábærir litir.  Umm langar til Kanada.

[Rut (IP-tala skráð) 30.10.2007 kl. 08:04]

Aedislegt utsyni Stina, thu vaerir alveg afsokud ef thu dyttir stundum i thad ad horfa bara utum gluggann!

Ja og til hamingju med sigurinn i Co-boltanum, en thad ekki svolitid extremt ad spila tvo leiki a dag, bara til ad na ad vinna...!!!! Hvad hefdirdu spilad marga leiki i gaer til ad fa sigurleik? Annars gott ad hafa svona mikid keppnisskap og gefast ekki upp!

[Kristín M. Jóhannsdóttir, 30.10.2007 kl. 18:06]

Takk stelpur. Já, hér er fallegt. Og takk fyrir hamingjuóskirnar Rut. En nei, seinni leikurinn var ekki spilaður svo ég fengi a.m.k. einn sigur heldur fremur til að brenna svolítið af aukakaloríum (sem tókst) og til þess að hitta nýtt fólk. Og ekki spillti fyrir að það að spila fótbolta er með því skemmtilegasta sem ég geri.