Permanent Resident of Canada

 

 

 

 
Í dag fór ég yfir landamærin til Blaine í Washingtonríki, borðaði Mexíkanskan mat og sneri svo við, rétt svo ég geti komið löglega inn í Kanada sem permanent resident (Hálf-ríkisborgari eða svo). Þar var ég spurð nokkurra spurninga, þeir tékkuðu á því að augun á mér væru virkilega blá (í alvöru), stimpluðu passann minn, gáfu mér litla nælu og óskuðu mér til hamingju með að vera orðin Permanent resident. Svo einfalt var það nú.

Marion keyrði mig niðreftir þar sem ég er bíllaus, og ég bauð henni í hádegisverð. Það minnsta sem ég gat gert. Hún var ákaflega ánægð með það að hægt væri að fá Mojito á 99 cent (um 62 krónur). Við úðuðum í okkur tamales, enchilada, tostido og svo djúpsteiktri ostaköku (já, í alvöru - var líka mjög góð). Þetta var sem sagt bara hin notalegasta ferð. Þegar við komum inn í Kanada var farið að rigna (við hverju öðru bjuggust þið?) og þegar við komum inn í Vancouver var farið að snjóa (sem gerist tvisvar á ári eða svo).

Þegar ég kom heim tók ég mynd af mér og notaði svo Photoshop til að setja mig fyrir framan kanadíska fánann (af því að ég á bara lítinn einhver staðar og ég finn hann ekki). Fannst það við hæfi að þetta yrði opinbera myndin af mér sem permanent resident. Fór líka í Canucks peysu því hvað er kanadískara en hokkí?

 

Athugasemdir

[Jenný Anna Baldursdóttir, 27.11.2007 kl. 07:20]

Til hamingju með hinn hálfa ríkisborgara.  Myndin flott.  En hver fór með þér að borða? Vantar í færsluna kona góð.

[Kristín M. Jóhannsdóttir, 27.11.2007 kl. 07:37]

Úps, ég hafði skrifað Marion en ég held að ég hafi óvart hent því út þegar ég renndi púkanum yfir. Honum líkaði ekki nafnið hennar. Hef lagað það núna. Takk fyrir hamingjuóskirnar og að láta mig vita af þessum klaufaskap mínum.

[Þröstur Unnar, 27.11.2007 kl. 09:25]

Til hamingju Kanadakona.

[Huld S. Ringsted, 27.11.2007 kl. 10:34]

Til lukku með hálfan ríkisborgara!

[Rut (IP-tala skráð) 27.11.2007 kl. 15:49]

Kanada hefur aldeilis graett i dag! Ekki a hverjum degi sem ung og myndarleg fjallkona faer otimabundid dvalarleyfi. Ma eg annars leyfa mer ad koma med athugasemd um hvad thu litur glaesilega ut! Thu ert sveimer i godu formi!

P.s. Hvernig gengur med munnstykkja-rannsoknar-aaetlunina? 

[Einar Indriðason, 27.11.2007 kl. 17:43]

Ehum... ég les þessi komment, og það fyrsta sem dettur í hugann á mér er "hamborgari".  Jú... Þú ert jú orðinn hálfur ríkisborgari!   Og til lukku með það. 

[Berglind Steinsdóttir, 27.11.2007 kl. 19:57]

Ég er aðallega impóneruð yfir hvað þú ert flinkur fótósjoppari. Samt trúi ég að þú lítir svona vel út, ég veit að þú fótósjoppaðir bara fánann sem bakgrunn. Ég samgleðst þér svo yfir að vera orðin varanleg af því að það hlýtur að vera það sem þú vilt.

Sjáumst svo á næsta ári, ræræræ ...

[Elva (IP-tala skráð) 27.11.2007 kl. 22:40]

Til hamingju gamla mín.  Hefði nú samt heldur viljað að þú værir bara að koma heim.  Kveðjur af Ströndinni, Elva.

[Doddi - Þorsteinn G. Jónsson (IP-tala skráð) 27.11.2007 kl. 23:14]

Til hamingju með þetta og takk aftur fyrir mig!

[Sigurjón, 28.11.2007 kl. 01:33]

Ég gratúlera og kontúlera, eins og Bör hefði sagt...

Ég hélt að það myndi snjóa talsvert í Vancouver, en greinilega fór ég villur vegar með það.

Skál! 

[AuðurA (IP-tala skráð) 28.11.2007 kl. 01:58]

Þetta er frábært... samgleðst... öfund... ég þarf að fara að finna út hvernig ég framlengi stúdentavisað mitt, gleði gleði...

[Kristín M. Jóhannsdóttir, 28.11.2007 kl. 07:35]

Takk fyrir hamingjuóskirnar öll.

Takk kærlega fyrir hólið Rut. Er ekki byrjuð á munnstykkjarannsókninni en er að plana.

Takk líka Berglind. Ég hugsaði um það eftir að ég setti fánann í bakgrunninn að ég hefði átt að gera mig grennri og brjóstastærri - ég meina, fyrst ég var að eiga við myndina hvort eð var.

Elva ég kem vonalega fljótlega í heimsókn á Skagaströnd.

Verði þér að góðuDoddi.

Nei, Sigurjón, lítill snjór í Vancouver - en ef þú ferð austur fyrir Klettafjöllin færðu öllu kaldari veðráttu.

Auður, af hverju þarftu að framlengja vísað? Ég hélt þú værir að klára og fara heim? Misskildi ég eitthvað? 

[AudurA (IP-tala skráð) 28.11.2007 kl. 13:26]

Eg registera fyrir voronn 2008, eg er bara rett ad byrja ad skrifa sko ;) og visad rennur ut i mars.