Til að sanna að hlaupið átti sér stað

Mér fannst ég verða að deila þessari mynd með ykkur þótt hún sé í rauninni hræðileg. Ég veit ekki hvernig ég náði að snúa svona upp á bolinn minn og allur litur virðist farinn úr andlitinu. Þar að auki er ég algjörlega hálslaus en ömmusystir mín átti nú skýringuna á því - allar Brekkusysturnar (amma mín og systur) voru hálslausar. Þetta sagði hún saklausri búðarkonu í Reykjavík fyrir nokkrum áratugum - var þá ekki að vísa í hálsleysi mitt á þessari mynd heldur sitt eigið hálsleysi og systra sinna.

Myndin er tekin, eins og sjá má, í Sólarhlaupinu um daginn. Þeir eru með myndavélar á rásstað og við mark og taka myndir af öllum sem fara þar fram hjá. Ég fékk mína eigin mynd og er náttúrulega stolt af því.

Við þetta má bæta að Lína var ákaflega ánægð með að ég skyldi vera í bleikum bol því það var alltaf auðvelt að finna mig. Sjálf var hún í appelsínugulu og því álíka auðfundin - nema eftir að við komum í höllina þar sem allir sjálfboðaliðarnir voru í appelsínugulu. 

 

Athugasemdir

[Róslín A. Valdemarsdóttir, 29.4.2008 kl. 20:04]

Hvaða, hvaða, þetta er alveg hin fínasta mynd af þér!

Sýnir bara að þú hefðir verið einbeitt í leiðinni, ekkert verið að stilla þér upp!

[Sigrún Jónsdóttir, 29.4.2008 kl. 20:40]

Gott að eiga svona sönnunargagn.  Þú kemst að því seinna, hversu mikilvægt það er.

[Gísli Ásgeirsson (IP-tala skráð) 29.4.2008 kl. 22:10]

Þú ert mjög sannfærandi á myndinni. Maður verður að vera svalur á svona augnablikum. Prófaðu næst að vera í þröngum, síðum og bol.

[Berglind Steinsdóttir, 30.4.2008 kl. 00:18]

Stína mín, líta hinir keppendurnir út eins og þeir séu nýbúnir að snurfusa sig og sestir í sófann með langt afslappandi kvöld framundan? Nei. Ég á mynd af mér úr Reykjavíkurskokkinu síðasta þar sem ég er eins og frummaður að rembast við að lyfta heilu fjalli - og ég setti hana sko ekki í frekari dreifingu. Man samt að þegar ljósmyndarinn var í sjónmáli brosti ég kokhraust, búin með 5 kílómetra af 10, og hélt að ég væri aðaltöffarinn.

Þú ert sko glæsileg á myndinni.

[Marinó Már Marinósson, 30.4.2008 kl. 09:54]

Dugleg ertu.  Meira en ég get sagt.  

[Rakel (IP-tala skráð) 30.4.2008 kl. 14:00]

Bara glæsileg !!!

[Rut (IP-tala skráð) 30.4.2008 kl. 19:07]

Thvilik yfirsjon Stina. Vissirdu ekki ad thad yrdi tekin mynd vid mark...? Naest hleypur thu bara haegar (a svona 2-3 timum) og brosir svo saett fram i myndavelina vel til hofd med gloss i stil vid bolinn, lekkera ballerinusko a nettu fotunum og i glansandi tennispilsstuttbuxum. Allt fyrir fina mynd! Annars finnst mer thu nu bara lita deskoti vel ut...thad saeist ekki mikid af mer eftir 10 km. Annars er buid ad vera hljott um thig a blogginu...ertu kannski ekki komin i mark enntha?

Kannski hef eg ruglast a forsetningu...en malfraedingar skilja allt!