Engillinn er hræddur

Í dag hringdi Alison í kjallaranum í mig og spurði hvortað væri nokkur leið að ég gæti tekið mynd af sjali sem hún var að klára. Hún er mikil hannyrðakona og alltaf prjónandi. Hún var búin að hengja sjalið upp á vegg til að jafna það og vildi eiga mynd af því. Svo ég fór niður og tók myndir af sjalinu.

Angel, kötturinn hennar Alison horfði á mig sínum stóru augum og var greinilega skíthrædd við þessa manneskju sem var allt í einu komin inn í íbúðina hennar. Hún sættir sig við mig úti í garði en er greinilega ekki hrifin af gestum inni hjá sér. Hún skreið undir rúm og ég gat ekki stillt mig um að leggjast á gólfið og taka mynd af henni þar sem hún starði á mig í skelfingu. Þarna undir var niðamyrkur en ég sá tvö stór ljós og vissi því hvert ég ætti að beina myndavélinni. 

Athugasemdir

[Jenný Anna Baldursdóttir, 21.7.2007 kl. 01:09]

Kisan er krútt en ég hefði alveg viljað fá að sjá sjalið.  Svona er ég forvitin.