Um athugasemdir

Einhvers staðar nýlega las ég að mælikvarðinn á hversu skemmtilegt eða áhugavert blogg væri, væri ekki fjöldi heimsókna á síðuna heldur fjöldi athugasemda. Samkvæmt þessu er ég alveg hrútleiðinleg því þótt heimsóknir síðasta sólarhring séu vel yfir þúsund þá hef ég aðeins fengið fimm athugasemdir síðan á föstudag (fjögur blogg skrifuð) og þar af eru tvær frá mér.

Einu skiptin sem hressist verulega í athugasemdakerfinu hjá mér er ef ég óvart móðga einhvern eða einhver athugasemdin móðgar einhvern. Ef ég skrifa um pólitík eða eitthvað sem viðkemur fjármálaheiminum þá hressist heldur betur í kerfinu.

Gallinn er að mér þykir ekkert gaman að skrifa um svoleiðis. Það er miklu skemmtilegra að skrifa um það við hvað ég er að fást, eða hvað ég hef nýlega séð eða lesið. Það er greinilega ekki eins skemmtilegt aflestrar en ég hef nú aldrei bloggað fyrir aðra - bara sjálfan mig, enda fékk ég að heyra nýlega í athugasemd að ég væri sjálfselsk af því að ég vonaði að krónan lækkaði ekki meira.

Athugasemdir

[Res (IP-tala skráð) 21.8.2007 kl. 17:24]

Bara að lesa og sína smá lit

[mongoqueen, 21.8.2007 kl. 17:29]

Vildi bara láta þig vita að mér finnst bara þrælgaman að lesa bloggið þitt

[Þröstur Unnar, 21.8.2007 kl. 18:28]

Ég les bloggið þitt á hverjum degi og hef mjög gaman af. Haltu bara áfram svona og ef þú  sækist eftir kommentum, þá veistu bara hvað þarf að gera.

[Gísli Ásgeirsson, 21.8.2007 kl. 19:03]

Þessi mælikvarði er klikkaður. Sannur bloggari skrifar fyrir sig fyrst og fremst.

Þú ert ágæt.

[Halldóra Halldórsdóttir, 21.8.2007 kl. 19:51]

Mér finnst gaman að lesa um það sem þú ert að fást við og upplifa -þó að við þekkjumst ekkert. Held því áfram að lesa þig. En ég kannast við þessar vangaveltur þegar engin kvittar fyrir heimsóknir - hverjir eru að lesa það sem ég skrifa fyrir mig, og af hverju?

[Einar Jóhann (IP-tala skráð) 21.8.2007 kl. 21:41]

Sæl Stína. Auðvitað á maður bara að blogga fyrir sjálfan sig. Blogg fyrir einhvern annan/aðra en sjálfan sig eru bara gervileg og ópersónleg, nei kannski ekki alveg alltaf svo slæm, en vissulega verri en hin.

En ef þú vilt skrifa eitthvað sem mun draga að sér athugunarsemdir í tugatali skalltu bæði skrifa blogg um að Bubbi Mortens sé gamall og útbrunninn og semji bara lög um fjöll og sólina (klassísk umræða) eða blogg um hvað þú, sem trúuð mannaskja, fáir alltof oft árásir frá trúleysingjum sem vilja "aftrúa þig" (afar heit umræða).

 Það er fátt jafn óþolandi og trúleysingjar sem telja sig vera miklu þroskaðri og gáfaðri en þú og koma með komment eins og "aumingjar sem geta ekki tekið ábyrgð á sínu lífi trúa á Guð" eða "adult's with imaginary friends are stupid"

 Jæja, komið nóg frá mér í bili.
Haltu áfram ap blogga svona ;)

Einar

[Huld S. Ringsted, 21.8.2007 kl. 23:49]

Endilega haltu áfram að blogga eins og þú gerir, ég les mjög oft hjá þér þó að ég kannski kvitti ekki. KVITT

[Jenný Anna Baldursdóttir, 22.8.2007 kl. 02:12]

Þessi mælikvarði er bara ekki réttur, þe að athugasemdir segi eitthvað til um hversu skemmtiegt bloggið er.  Ég er ein af þeim sem les þig alltaf án þess að mér finnst ég endilega alltaf þurfa að hafa skoðun á því sem þú ert að skrifa.  Er mikill aðdáandi bloggsins.

Auðvitað skrifar maður fyrir sjálfan sig, en allir hljóta að vilja láta lesa bloggin sín.  Annars væri gamla dagbókin rifin upp og höfð með lás. 

Takk fyrir mig kæra bloggvinkona.

[Wilhelm Emilsson, 22.8.2007 kl. 05:07]

Heyrðu, Kristín. Þetta virkaði nokkuð vel hjá þér. Allt morandi í athugasemdum!

Varðandi athugasemdina frá Einari þá er gott að heyra að trúað fólk getur verið alveg jafn pirrað og trúleysingjar á því að því sé sagt að það sé ekki á réttri leið í lífinu.

[Guðríður Hrefna Haraldsdóttir, 22.8.2007 kl. 08:59]

Þú ert algjör æði! Les þig alltaf, er oft á hraðferð og kommenta ekki en sendi þér samt sætt hugskeyti í hvert skipti ... þú ert bara ekki nógu næm ... heheheheh!

[Gunnhildur Inga Rúnarsdóttir, 22.8.2007 kl. 09:16]

Já, bloggið þitt er svo leiðinlegt að ég neyðist til að lesa það.

Haltu bara áfram að skrifa um það sem á daga þína hefur drifið.  Takk fyrir skemmtileg blogg.

Er einhver séns að fá djammbloggið óritskoðaða.

[Auður H Ingólfsdóttir (IP-tala skráð) 22.8.2007 kl. 12:36]

Eitt af uppahaldsbloggunum minum :-)

[Ásta Gunnlaugsdóttir, 22.8.2007 kl. 16:04]

Þetta er geðveikt flott trikk! Þarf að prófa það hjá mér. :D

En svona til að bæta við, að þá les ég bloggið þitt mjög oft. Var einmitt að pæla hvað mér þykir gaman að lesa blogg íslendinga í útlöndum. Gefur manni aðra sýn á hversdagslífið.

Ég vil bara ekki vera ókurteis eða undarleg að koma með: JÁ EN SNIÐUGT, ÞIÐ ERUÐ SVO FYNDNAR VINKONURNAR!! og þú situr og klórar þér kollinum, hugsandi að þú átt einhvern skrítinn umsátung.

[Kristín M. Jóhannsdóttir, 23.8.2007 kl. 04:15]

Takk öll. Það er gott að vita að fólk les þetta rugl mitt. Ég var farin að halda að heimsóknatölurnar táknuðu fólk sem kom óvart inn á síðuna - svona eins og ef maður er að leita upplýsinga um kínverska stjörnuspeki og skrifar og notar orðið 'cock' í stað 'rooster' og þá opnast fimm klámsíður sem maður getur ekki lokað! Gunnhildur...það er spurning. Það yrði alla vega að vera PG á því!

[Sigurjón, 24.8.2007 kl. 01:11]

Ekki les ég bloggið.  Ég bara skrifa inn slembiathugasemdir í þeirri von að þær eigi við efni færzlunnar...

[Kristín M. Jóhannsdóttir, 24.8.2007 kl. 02:07]