Held að United aðdáandi skrifi fréttina

Hvernig væri að taka fram í fréttinni að Man Utd. hefur leikið tveimur leikjum meira en Arsenal? Þetta er auðvitað ekki rangt eins og það er sett fram en svolítið villandi.  

Chelsea lagði City, 6:0 - United í toppsætið

Athugasemdir

[Gman (IP-tala skráð) 27.10.2007 kl. 18:02]

Hvað með það þó að Man Utd hefur leikið tveimur leikjum meira?  Arsenal geta tapað þessum leikjum og því er það alveg fullkomlega rétt að segja "Man Utd í toppsætið".  Það væri bara kjánalegt að segja "Man Utd í toppsætið en Arsenal eiga tvo leiki til góða".

[Kristín M. Jóhannsdóttir, 27.10.2007 kl. 18:12]

Skil ekki alveg af hverju það er kjánalegt. Það eru iðulega sagt frá því í svona fréttum þegar lið skríður í efsta sætið af því að hefur spilað fleiri leiki en toppliðið að annað lið eigi einn til tvo leiki til góða.  

[Eiríkur (IP-tala skráð) 27.10.2007 kl. 21:00]

Sæl Stína!

 Það er nú bara þannig að Man Utd fólk virðist ekkert átta sig á því að enska deildin er ekki keppni með forgjöf. Við Arsenal fólk erum löngu búin að átta okkur á því og erum þess vegna ekkert að angra okkur á linnulausum athugasemdum um það hverjir eru efstir í deildinni frá laugardegi til sunnudags!

 Kv. Eiríkur Grænslandsfari!

[Brattur, 27.10.2007 kl. 22:53]

svona, svona... þetta er bara aðlögun...fyrir Arsenal aðdáendur... United verður í toppsætinu í allan vetur og fram á vor... bara spurningum um örfáar umferðir...

[Kristín M. Jóhannsdóttir, 28.10.2007 kl. 05:01]

Eiríkur, blessaður. Hvað segirðu um Grændlandsferð 2010? Þá gætum við haldið uppá þrjátíu ára fararafmæli - og að þessu sinni myndi ég kunna ensku!!!

Brattur, við sjáum til

[Mummi Guð, 28.10.2007 kl. 07:59]

Auðvitað væri réttara að taka fram að Arsenal ætti þessa leiki til góða. Þetta er eiginlega bara hálf-frétt eins og hún er núna.

Annars verð ég á Emirates-vellinum um næstu helgi og ætla að sjá Arsenal Man United spila. Bara smá mont í mínum.

[Kristín M. Jóhannsdóttir, 28.10.2007 kl. 08:30]

Vá, en þú heppinn! Og rétt af þér að monta þig - um að gera. Ég hef aldrei komið á Emirates-vellinn. Fór á Highbury og ók framhjá Emirates í lest - en þá var völlurinn enn í byggingu. Einhvern daginn á ég eftir að sjá þá spila þarna. Þangað til verð ég bara að  skemmta mér yfir hokkíinu. Á miða á leik á fimmtudaginn.

Annars ætti þessi leikur á milli Arsenal og Man Utd. að vera spennandi. Ég vona að hann verði þokkalega jafn svo aðdáendur beggja liða fái að skemmta sér vel (en ég vil samt að Arsenal vinni leikinn!!!)

[Helga Fanney (IP-tala skráð) 28.10.2007 kl. 10:36]

Hef nú ekkert að leggja til málanna um fótbolta, en sendi hér slóð sem ég þykist vita að þú hafir gaman af - ef þú ert ekki nú þegar búin að sjá þetta..   http://www.youtube.com/watch?v=eng5rJm9X7w

[Högni Jóhann Sigurjónsson, 28.10.2007 kl. 14:25]

Ég er sammála þér að það mætti alveg koma fram að Arsenal og Liverpool eigi tvo leiki til góða.

Ég er farinn að óttast að Arsenal taki þetta í ár, en eins og þið segið við sjáum til.

[Kristín M. Jóhannsdóttir, 28.10.2007 kl. 18:35]

Farðu ekki að örvænta strax Högni. Þetta á vonandi eftir að verða spennandi og jafnt ár. Og því miður hefur mér fundist Man Utd. hrökkva og snemma í gang. Þeir eiga oft slæmt byrjunartímabil en komast svo á fullt skrið og valta yfir allt og alla. Vanalega er það von annarra lið að fá nógu mikið forskot áður en það gerist. Nú er ekki enn kominn Nóvember og liðin jöfn á toppnum. Og þau hafa meira að segja sama markahlutfall - eini munurinn er að Arsenal hefur skorað þremur mörkum meira (og fengið á sig þremur mörkum meira).

Annars vil ég benda á að fréttin um jafntefli Arsenal og Liverpool í dag var betri en sú sem ég bloggaði við í gær því þar var tekið fram að Arsenal ætti leik til góða, en að sjálfsögðu var titill fréttarinnar ekki sá að Arsenal hefði endurheimt toppsætið. Það var sem sagt bara nógu merkilegt í gær að Man Utd. náði því. I rest my case. 

[Hlynur Birgisson, 29.10.2007 kl. 18:51]

Kristín, skil ekki hvað þér finnst þér að þesari frétt, fréttin er sú að United vann leikinn og komst þar með í efsta sætið, búið mál. Það kemur síðan í ljós hvort Arsenal vinni þá leiki sem þeir eiga inni. Arsenal var ekki að spila, þannig að þeir eru ekki frétt:) en hlökkum til næstu helgar, þá verður stórmeistaraslagur að bestu gerð, tvö frábær lið.

Fótboltakveðja að norðan

[Kristín M. Jóhannsdóttir, 29.10.2007 kl. 21:22]

Hlynur, það sem mér finnst aðallega að þessari frétt er að það þykir svo fréttnæmt að Manchester komst í efsta sætið að það var sett sem fyrirsögn á fréttina og ekki var minnst á að þeir hefðu spilað tveimur leikjum meira en Arsenal. Þegar Arsenal komst til baka í efsta sætið þá var það ekki talið merkilegt og þótt það hafi verið nefnt þá var það til dæmis ekki fyrirsögnin. Og þetta var ekki í fyrsta skiptið sem Man Utd. komst á toppinn og síðast þegar það gerðist var líka í fyrirsögn að þeir komust á toppinn en þótti ekki fréttnæmt þegar Arsenal tók þá stöðu aftur. Ég er einfaldlega að kvarta yfir því að fréttirnar eru svolítið litaðar. Ég segi líka í blogginu að það sé ekkert rangt í þessari frétt - hún sé bara svolítið hálfköruð og villandi.