Gleðileg jól og farsælt komandi ár

Ég vil óska öllum gleðilegra jóla og farsældar á nýju ári. Ég vil sérstaklega þakka öllum sem hafa komið í heimsókn hingað á bloggið mitt og eins þeim sem ég hef heimsótt. Vonandi heldur bloggvináttan og önnur vinátta áfram á árinu 2008.

Ég spái því hér með að 2008 verði einstaklega gott ár og að margt skemmtilegt og notalegt muni gerast.

Á morgun (síðar í dag - það er víst komið fram yfir miðnætti) mun ég fara til Juliönnu vinkonu minnar og Tims mannsins hennar og þar er víst planið að borða eitt stykki kalkún, fara svo í kirkju og loks að taka upp pakkana. Julianna er hálfíslensk og hálfþýsk og maðurinn hennar er hálffinnskur þannig að það verður haldið upp á aðfangadag.

Ég gisti svo hjá þeim niðri í Surrey og fer svo til Brynjólfssons fólksins, frændfólks míns, á jóladag og borða þar annan kalkún (ekki þó ein). Ég býst við að taka síðustu lest heim þaðan og sofa í eigin rúmi að kvöldi jóladags og fara svo í göngutúr á ströndinni að morgni annars í jólum með Rosemary og Doug. 

Ég efast um að ég nái að blogga þar til þá (annars veit maður aldrei) svo ég býð ykkur enn og aftur gleðilegra jóla og við sjáumst (skjáumst) eftir nokkra daga.

Athugasemdir

[Jenný Anna Baldursdóttir, 24.12.2007 kl. 08:48]

Gleðileg jól elsku Stína mín og takk fyrir skemmtilegar samverustundir á blogginu og við höldum tvíefldar áfram á nýju ári. 

[Mummi Guð, 24.12.2007 kl. 10:06]

Gleðileg jól og takk fyrir bloggsamskiptin á árinu.

[Hrabba (IP-tala skráð) 24.12.2007 kl. 11:27]

Mér líst vel á þetta plan þitt ;)

Gleðileg Jól og njóttu vel þó langt sértu frá heimahögum ... ég eyddi sjálf einum jólum í Whistler og það var gaman og gott svo ég trúi því að á þessum slóðum sem þú ert er ekki hægt annað en að njóta hátíðarinnar.  

[Helga Fanney (IP-tala skráð) 24.12.2007 kl. 11:31]

Gleðileg jól, Stína! Vona að þú njótir jólanna, þó þú sért langt að heiman. Ég sjálf er í Osló um jólin og þó það væsi ekki um mig, er það ekki það sama og að vera heima.. ;)

*klem*

Helga 

[Þröstur Unnar, 24.12.2007 kl. 13:13]

Gleðileg jól Stína og takk fyrir bloggselskapinn.

[Eiríkur (IP-tala skráð) 24.12.2007 kl. 13:46]

Gleðileg jól - Guðrún og Ingólfur biðja að heilsa. Sjáumst vonandi á næsta ári.

[Ágúst H Bjarnason, 24.12.2007 kl. 15:25]

Gleðileg jól !

[Björg K. Sigurðardóttir, 24.12.2007 kl. 16:19]

Óska þér og þínum gleðilegra jóla og farsæls komandi árs.

[Rut (IP-tala skráð) 24.12.2007 kl. 16:21]

GLEDILEG JOL STINA

Njottu jolanna eins og thu best getur, bordadu vel, hittu marga og hugsadu milljon og eina fallega hugsun. Vonandi verdur naesta ar ther gaefurikt og fullt af skemmtilegum aevintyrum.

Eg sendi ther jolakvedjur ur Borgarsidunni, her holdum vid skritin jol, en gerum okkar besta til ad halda ollum hefdum a rettum kili og nu ilmar husid af yndislegri porusteik!

Knus fra ollum, Rut 

p.s.

Eg heyrdi adeins i mommu thinni adan, fallegt af henni ad hringja i okkur :)

[Þóra Sigurðardóttir, 25.12.2007 kl. 07:16]

Gleðilega hátíð og takk fyrir góð og skemmtileg skrif

[Doddi - Þorsteinn G. Jónsson (IP-tala skráð) 26.12.2007 kl. 12:11]

Gleðilega hátíð elsku Kristín! Takk fyrir yndisleg kynni á árinu og ég hlakka til frekari kynna í framtíðinni. Extra þakkir og knús og kossar fyrir óvæntu sendinguna! En ég vona að jólin hafi verið þér góð og restin af árinu verði það líka ... svo gerum við bara ráð fyrir að 2008 byrji frábærlega og haldist þannig út árið ... þetta er nú einu sinni hlaupár

Jólakveðjur frá Akureyri

[Gunnar Kr., 26.12.2007 kl. 13:37]

Sæl frænka og gleðileg jól!

Vona að þúhafir það gott í Könudu um jólahátíðina og áramótin.  

[Halla Rut , 26.12.2007 kl. 21:10]

Bestu kveðjur þil þín.

Sexý jólasveinn sem þú ert með uppí hjá þér...

[Már Högnason (IP-tala skráð) 27.12.2007 kl. 16:21]

Magnaður jólasveinn.

Tókstu myndina sjálf? 

[Kristín M. Jóhannsdóttir, 27.12.2007 kl. 19:45]

Takk kærlega fyrir kveðjurnar öll sömul. Ég hafði ekki tíma til að fara á síður bloggvina og óska öllum gleðilegra jóla svo ég vona að þessi kveðja hér á minni síðu hafi náð sem flestum. Og Már, nei, ég tók þessa mynd ekki sjálf. Ég hefði líklega valið að taka mynd af yngri og grennri jólasveini ef kostur hefði verið.