Fyrsta vikan

Ég er búin að vera á Íslandi í rúma viku núna og sumt er frábært og annað síður. Það er t.d. ljóst að sundlaugarnar á Íslandi eru engar líkar. Ég á eftir að eyða miklum tíma í Laugardalslauginn og Vesturbæjarlauginni. Þá er nammið og sætabrauðið mun betra en í Kanada. Umferðarmenningin er hins vegar mun slakari og veðrið er augljóslega ekki eins gott. Sérstaklega var ég búin að gleyma vindinum. Jafnvel á fallegum dögum eins og í gær og í dag er vindurinn ekkert sérlega hlýr. Málið er að það er næstum aldrei neinn vindur í Vancouver. Og hérumbil aldrei hvasst. Ég á því eftir að venjast veðrinu betur.

Athugasemdir

[Erlendur (IP-tala skráð) 9.5.2011 kl. 23:32]

Gangi þér vel að aðlagast aðstæðum heima fyrir. Ég er fyrrverandi nágranni þinn frá Sívætlu.

[Berglind Steinsdóttir, 10.5.2011 kl. 08:21]

Og hvaða símafyrirtæki valdirðu?

[Marinó Már Marinósson, 10.5.2011 kl. 08:38]

issss Vindurinn venst seint, ef til vill aldrei? :)

[Kristín M. Jóhannsdóttir, 10.5.2011 kl. 20:32]

Takk Erlendur. Berglind, ég valdi Vodafone. Að hluta til vegna þess að svo margir í fjölskyldunni eru með það þannig að ég tók pakkann þar sem maður borgar ekkert í Vodafone síma, og að hluta til vegna þess að þeir eru með skrifstofu rétt fyrir ofan mig þannig að það er þægilegt ef maður þarf að fá einhverja þjónustu. Marinó, það er því miður sennilega rétt hjá þér.